புதுச்சேரி: ஆன்லைன் ரம்மி விளையாட்டினால் ஏராளமான அப்பாவி மக்கள் பாதிக்கப்படுகின்றனர். மேலும், இந்த விளையாட்டின் மூலம் பணத்தை இழந்தவர்கள் தற்கொலை செய்துகொள்ளும் சம்பவங்கள் நாடு முழுவதும் அதிகரித்துள்ளன.
இந்த நிலையில், ஆன்லைன் ரம்மி மூலம் வரும் வரி வருவாய்க்காக வேடிக்கை பார்க்காமல் மத்திய- புதுச்சேரி அரசு உடனடியாக ஆன்லைன் ரம்மியை தடை செய்ய வலியுறுத்தியும், சட்டப்பேரவையில் தீர்மானம் நிறைவேற்றக்கோரியும் ஆம் ஆத்மி கட்சியினர் புதுச்சேரி அண்ணா சிலை அருகில் அரை நிர்வாணப் போராட்டத்தில் ஈடுபட்டனர்.