கணவனிடம் தகாத உறவு - பெண்ணை பழிவாங்கிய மனைவி உள்ளிட்ட 5 பேர் கைது

ஹைதராபாத்தில் கணவருடன் தொடர்பில் இருந்த பெண்ணை பழிவாங்குவதற்காக 4 ஆண்கள் மூலம் பாலியல் வன்கொடுமை செய்து அதனை வீடியோ எடுத்து மிரட்டிய பெண் உள்ளிட்ட 5 பேர் கைது செய்யப்பட்டனர்.

ஹைதராபாத்:தெலங்கானா மாநிலம் கோண்டாபூரில் ஸ்ரீகாந்த்- காயத்ரி தம்பதி வசித்து வருகின்றனர். சில மாதங்களுக்கு முன்பு காயத்ரி உடல்நிலை சரியில்லாததால் அவரது உறவுக்கார பெண் ஒருவரை உதவிக்கு அழைத்துள்ளார். அப்பெண் சில மாதங்களாக காயத்ரியின் வீட்டில் தங்கியுள்ளார். இதனையடுத்து அப்பெண்ணுக்கும் காயத்ரியின் கணவனுக்கும் உறவு ஏற்பட்டுள்ளது. இதனையறிந்த காயத்ரி ஆத்திரமடைந்து அப்பெண்ணை பழிவாங்க திட்டமிட்டுள்ளார்.

காயத்ரி அப்பெண்ணை அவரது வீட்டிற்கு வரவழைத்து அங்கு நான்கு ஆண்களை ஏற்பாடு செய்து அவரை பாலியல் வன்கொடுமை செய்துள்ளார். இதனை வீடியோ ரெக்கார்டிங் செய்து அப்பெண்ணை மிரட்டியுள்ளார்.

இது குறித்து அப்பெண்ணின் பெற்றோர் காவல்நிலையத்தில் புகார் அளித்தனர். இதனையடுத்து காயத்ரி உள்ளிட்ட 5 பேர் கைது செய்யப்பட்டனர்.

இதையும் படிங்க:தனியார் மாலில் ஐடி ஊழியர் உயிரிழந்த சம்பவம்: மதுவுடன் போதைப் பொருளை பயன்படுத்தியது அம்பலம்