மோடி அணிந்த 'காரகுலி' தொப்பி பற்றி தெரியுமா..?

காஷ்மீரில் அதிக மக்களால் அம்மாநில கௌரவ அடையாளமாக பார்க்கப்பட்டு அணிவிக்கப்படும் 'காரகுலி' தொப்பியை பாரம்பரியமாக தயாரிக்கும் ஜான் கேப் ஹவுஸ் உரிமையாளருடனான பேட்டியைக் காணலாம்.

ஸ்ரீநகர்(ஜம்மு & காஷ்மீர்):நவான் பஜார் பகுதியில் 125 ஆண்டு பாரம்பரிய புகழ்பெற்ற ’ஜான் கேப் ஹவுஸ்’ (John Cape house) எனும் தொப்பிக் கடையில் இந்த 'காரகுலி' தொப்பிகள் எனப்படும் இந்த தொப்பிகள் ஒருவகை ஆடுகளின் தோலிலிருந்து தயாரிக்கப்பட்டு விற்பனை செய்யப்படும். இந்த வகைத் தொப்பிகளின் காஷ்மீரின் மரியாதை மற்றும் கௌரவத்தின் அடையாளமாக பார்க்கப்படுகிறது.

இந்தத் தொப்பியை நான்கு தலைமுறைகளாக இந்தக் கடையில் தயாரித்து விற்பனை செய்து வருகின்றனர். இத்தொப்பியின் தற்போதைய அக்கடையின் தயாரிப்பாளரான முஸஃப்ஃபர் ஜான் கூறுகையில், ”இந்தத் தொப்பியில் மூன்று வடிவமைப்புகள் உள்ளது. அவை, ஜின்னா பாணி வடிவமைப்பு, ஆப்கான் காரகுலி வடிவமைப்பு, ரஷ்ய காரகுலி வடிவமைப்பு ஆகும்.

இந்த வகையான தொப்பிகள் முகமது அலி ஜின்னா முதல் தற்போதைய இந்திய பிரதமர் நரேந்திர மோடி வரை பல அரசியல் ஆளுமைகளால் அணியப்பட்டுள்ளது. முகமது அலி ஜின்னாவிற்கு காரகுலி தொப்பியை 1944ஆம் ஆண்டு எனது தாத்தா தயாரித்துத் தந்தார். எனது தந்தை முன்னாள் பிரதமர் ராஜிவ் காந்திக்கு 1984ஆம் ஆண்டு இந்தத் தொப்பியைத் தயாரித்து அளித்துள்ளார்.

நாட்டின் பல்வேறு துறை ஆளுமைகளுக்கு எனது தந்தையிம் தாத்தாவும் இந்தத் தொப்பிகளை தயாரித்து தந்துள்ளனர். இதைத்தொடர்ந்து, நான் ஃபாரூக் அப்துல்லா, ஓமர் அப்துல்லா, மிர்வைஸ், குலாம் நபின் ஆசாது போன்ற தலைவர்களுக்கு 2014ஆம் ஆண்டு தயாரித்து தந்தேன். அது மட்டுமின்றி பிரதமர் நரேந்திர மோடி, உமானின் முன்னாள் மன்னரான கபூஸ் பின் சாயிது ஆகியவர்களுக்கும் தொப்பியைத் தயாரித்து தந்துள்ளேன்” என்றார்.

ஒரு காலத்தில் காரகுலி தொப்பி அணியும் பழக்கம் காஷ்மீரில் பெரும் வாரியாக இருந்தது. ஆனால், தற்போது அது குறைந்துவிட்டது. உஸ்பெகிஸ்தானிலிருந்து ஆப்கானிஸ்தான் வழியாக கடத்தப்பட்ட இந்தத் தொப்பி அணியும் பழக்கமுறை, பின் காஷ்மீரை அடைந்து அங்கு பெருவாரியாக பின்பற்றப்பட்டது. இந்தத் தொப்பியின் தற்போதைய விலை ரூ.5 ஆயிரம் முதல் ரூ.20,000 ஆயிரம் வரை கிடைக்கிறது. நான்கு வண்ணங்களில் கிடைக்கும் இந்தத் தொப்பிகளில் 'அரக்கு நிற தொப்பி' தான் மிகவும் விலை உயர்ந்ததாகும்.