மத்தியப் பிரதேசம் மாநிலம் ஷாடோலில் உள்ள அரசு மருத்துவமனையில் நேற்றிரவு ஆக்சிஜன் சப்ளையில் அழுத்தம் குறையத் தொடங்கியுள்ளது. உடனடியாக, வல்லுநர்கள் வரவழைக்கப்பட்டாலும், பிரச்சினையைச் சரிசெய்ய இயலவில்லை.
இதனால், தீவிர சிகிச்சைப் பிரிவிலிருந்த 60-க்கும் மேற்பட்ட நோயாளிகளுக்கு மூச்சுவிடுவதில் சிரமம் ஏற்பட்டுள்ளது.
ஆக்சிஜன் சப்ளையர்களை மருத்துவமனை நிர்வாகம் தொடர்புகொண்டுள்ளது. ஆனால், அவர்களின் வாகனமும் வருவதற்குத் தாமதமாகியுள்ளது. ஆக்சிஜன் விநியோகத்தில் அழுத்தம் குறைந்ததில் ஆறு கரோனா நோயாளிகள் உயிரிழந்துள்ளனர். மற்ற 62 நோயாளிகள், மாற்று ஏற்பாடு செய்யப்பட்டுக் காப்பாற்றப்பட்டனர்.