பட்டப்பகலில் வங்கியில் கொள்ளை: தப்பி செல்ல முயன்ற நபர்கள் கைது

குஜராத்தில் தனியார் வங்கியில் புகுந்து கொள்ளையடித்து தப்பி செல்ல முயன்ற கொள்ளையர்களை காவல்துறையினர் துரத்திப் பிடித்து கைது செய்துள்ளனர்.

குஜராத் மாநிலம் அங்கலேஷ்வரில் உள்ள தனியார் வங்கியில் பட்டப்பகலில் கொள்ளை சம்பவம் அரங்கேரியுள்ளது. தனியார் வங்கி உள்ளே திடீரென துப்பக்கியுடன் வந்த சில கொள்ளையர்கள் வங்கியில் கொள்ளியடித்துவிட்டு, அங்கிருந்து பைக்கில் தப்பிச்செல்ல முயற்சித்தனர்.

அப்போது வங்கி ஊழியர்கள் மற்றும் பொதுமக்கள் சிலர் அவர்களை துரத்தினர், இதனை அங்கிருந்த சிலர் வீடியோ எடுத்துள்ளனர். பின்னர் தகவலறிந்து வந்த காவல்துறையினர் துரத்தி சென்றனர், அப்பொழுது கொள்ளையர்களுக்கும், காவலர்களுக்கும் இடையே துப்பாக்கி சூடு நடைபெற்றது.

அதில் காயமடைந்த ஒருவர், சிகிச்சைக்காக மருத்துவமனையில் அனுமதிக்கப்பட்டுள்ளார், மீதமுள்ள கொள்ளையர்களை காவல்துறையினர் கைது செய்தனர். பின்னர் அவர்களிடமிருந்து கொள்ளையடிக்கப்பட்ட பாதி பணத்தை மீட்டனர். மேலும் தப்பி சென்ற கொள்ளையகளை தேடி வருகின்றனர்.

இதையும் படிங்க:பார்த்தா சாட்டர்ஜி, அர்பிதா முகர்ஜி இருவருக்கும் 14 நாள்கள் நீதிமன்றக் காவல்