Live: ஆரணி, திருவண்ணாமலை வேட்பாளர்களை ஆதரித்து எடப்பாடி பழனிசாமி பிரச்சாரம்! - EPS ELECTION CAMPAIGN LIVE

ஆரணி/திருவண்ணாமலை: தமிழ்நாட்டில் ஒரே கட்டமாக வரும் ஏப்ரல் 19ஆம் தேதி நாடாளுமன்றத் தேர்தல் நடைபெறவுள்ளது. இதையொட்டி, அரசியல் கட்சித் தலைவர்கள் தமிழ்நாடு முழுவதும் மிகவும் தீவிரமாகப் பிரச்சாரத்தில் ஈடுபட்டு வருகின்றனர். இந்த நிலையில், அதிமுக தலைமையிலான கூட்டணியில் தேமுதிக, எஸ்டிபிஐ உள்ளிட்ட கட்சிகள் இணைந்து போட்டியிடுகிறது. ஆகவே, அதிமுக சார்பிலும், அதன் தலைமையிலான கூட்டணிக் கட்சிகளின் சார்பிலும் போட்டியிடும் வேட்பாளர்களை ஆதரித்து, அக்கட்சியின் பொதுச் செயலாளர் எடப்பாடி பழனிசாமி இன்று (வியாழன்கிழமை) ஆரணி மற்றும் திருவண்ணாமலையில் பிரச்சாரம் மேற்கொள்கிறார். அதன் நேரலை காட்சிகள்..ஆரணி தொகுதியில் அதிமுக சார்பில் போட்டியிடும் ஜி.வி.கஜேந்திரனை ஆதரித்து பிரச்சாரம் மேற்கொள்கிறார். அதனைத் தொடர்ந்து, இரவு 7 மணியளவில் திருவண்ணாமலை தொகுதியில் அதிமுக சார்பில் போட்டியிடும் எம்.கலியபெருமாளை ஆதரித்து திருவண்ணாமலை, வேலூா் சாலை, ஈசான்ய மைதானத்தில் பிரச்சாரம் மேற்கொள்கிறார். முன்னதாக, நேற்று திருப்பூர் நாடாளுமன்றத் தொகுதியில் போட்டியிடும் அதிமுக வேட்பாளர் பி.அருணாச்சலத்துக்கு ஆதரவாக அதிமுக பொதுச் செயலாளரும், எதிர்க்கட்சி தலைவருமான எடப்பாடி கே.பழனிசாமி தேர்தல் பிரச்சாரம் மேற்கொண்டார்.