ஹராரே: டி20 உலகக்கோப்பையை இரண்டாவது முறையாக வென்று சாதனை படைத்த இந்திய அணி அடுத்ததாக ஜிம்பாப்வேக்கு சுற்றுப்பயணம் மேற்கொண்டு 5 போட்டிகள் கொண்ட டி20 தொடரில் விளையாட உள்ளது. முதலாவது டி20 கிரிக்கெட் போட்டி ஜூலை 6ஆம் தேதி ஹராரேவில் தொடங்குகிறது. தொடர்ந்து ஜூலை 7, 10, 13 மற்றும் 14 ஆகிய தேதிகளில் மற்ற நான்கு டி20 கிரிக்கெட் போட்டிகளும் நடைபெற உள்ளன.
இத்தொடரில் விளையாடும் இந்திய அணியின் கேப்டனாக சுப்மன் கில் நியமனம் செய்யப்பட்டுள்ளார். மேலும் இந்த அணியில் ஹர்திக் பாண்டியா, சூர்யகுமார் யாதவ், ஜஸ்பிரித் பும்ரா உள்ளிட்ட அணியின் மூத்த வீரர்களுக்கு ஒய்வு அளிக்கப்பட்டு ஜெய்ஸ்வால், ருதுராஜ் கெய்க்வாட், நிதிஷ், ரியான் பராக், அபிஷேக் சர்மா, துஷார் தேஷ்பாண்டே உள்ளிட்ட இளம் வீரர்களுடன் வாய்ப்பு கொடுக்கப்பட்டிருந்தது.
இந்நிலையில் மேற்கிந்திய தீவுகளில் ஏற்பட்டுள்ள புயலின் காரணமாக ஜெய்ஸ்வால், சிவம் துபே, சாம்சன் உள்ளிட்ட வீரர்கள் ஜிம்பாப்வே அணிக்கான முதல் இரு டி20 போட்டிகளில் பங்கேற்காத சூழலில் அவர்களுக்கு மாற்று வீரர்களாக தமிழகத்தை சேர்ந்த் சாய் சுதர்சன், ஜிதேஷ் சர்மா, ஹர்சித் ராணா ஆகியோர் சேர்க்கப்பட்டுள்ளனர்.