பரபரப்பான தேர்தல் களத்திற்கு மத்தியில் மீண்டும் களைக்கட்டும் கோலிவுட்.. நாளை 7 படங்கள் ரிலீஸ்! - kollywood new release

Kollywood New Release: பரபரப்பான நாடாளுமன்றத் தேர்தல் களத்திற்கு மத்தியில் நாளை ஒரே நாளில் 7 தமிழ் திரைப்படங்கள் திரைக்கு வருகின்றன.

சென்னை: தமிழ் சினிமாவை பொறுத்தவரையில் இந்த ஆண்டு மோசமான தொடக்கத்தைக் கொடுத்துள்ளது. இதுவரை வெளியான படங்கள் அனைத்தும் சொல்லிக் கொள்ளும்படி வெற்றி பெறவில்லை. இந்நிலையில் இந்த வாரமும் 7 திரைப்படங்கள் வெளியாக உள்ளன. கேரளாவின் புகழ்பெற்ற 'ஆடுஜீவிதம்' நாவலை மையப்படுத்தி பிருத்விராஜ், அமலாபால் ஆகியோர் நடிப்பில் 'ஆடுஜீவிதம்' என்ற திரைப்படம் உருவாகியுள்ளது.

மிகப்பெரிய எதிர்பார்ப்புக்கு மத்தியில் உண்மை சம்பவத்தைக் கொண்டு பல ஆண்டுகளாக இப்படம் உருவாக்கப்பட்டுள்ளது. பிரபல மலையாள இயக்குநர் பிளெஸ்ஸி இயக்கத்தில் உருவாகியுள்ள இப்படத்திற்கு, ஏ.ஆர் ரகுமான் இசையமைத்துள்ளார். மலையாளத்தில் உருவாகியுள்ள இப்படம் தமிழ், தெலுங்கு, கன்னடம், இந்தி உள்ளிட்ட மொழிகளில் டப் செய்யப்பட்டு இன்று வெளியாகி உள்ளது.

இதனையடுத்து திட்டம் இரண்டு, அடியே படங்களை இயக்கிய விக்னேஷ் கார்த்திக் ஹாட் ஸ்பாட் என்ற படத்தை இயக்கியுள்ளார். இதில் கலையரசன், சாண்டி மாஸ்டர், ஆதித்யா பாஸ்கர், கௌரி கிஷன், அம்மு அபிராமி, ஜனனி ஐயர் உள்ளிட்ட பலர் நடித்துள்ளனர்.

முக்கோண வாழ்க்கை முறையைப் பேசும் இப்படம் நாளை திரைக்கு வரவுள்ளது. அதேபோல் நாஞ்சில் இயக்கத்தில் நடிகை ஆண்ட்ரியா முதன்மை கதாபாத்திரத்தில் நடித்துள்ள 'கா' திரைப்படம் நாளை வெளியாகிறது. காடுகளை மையப்படுத்தி ஆக்ஷன் திரில்லராக இப்படம் உருவாகியுள்ளது.

இருட்டு அறையில் முரட்டுக் குத்து, கஜினிகாந்த், பொய்க்கால் குதிரை உள்ளிட்ட படங்களை இயக்கிய சந்தோஷ் பி ஜெயக்குமார் இயக்கி நடித்துள்ள திரைப்படம் தி பாய்ஸ். இளைஞர்களை மையப்படுத்தி பேச்சுலர் வாழ்க்கையைப் பற்றி உருவாகியுள்ள இப்படமும் நாளை திரைக்கு வர உள்ளது. இது தவிர பூமர் அங்கிள், இடி மின்னல் காதல், நேற்று இந்த நேரம், வெப்பம் குளிர் மழை உள்ளிட்ட படங்களும் திரைக்கு வர உள்ளன.

இதையும் படிங்க:நடிகர் விவேக் மகளுக்கு திருமணம்.. தந்தை வழியை பின்பற்றி நெகிழ்ச்சி! - Actor Vivek Daughter Marriage