ਹੈਦਰਾਬਾਦ: ਗਰਮੀਆਂ ਆਪਣੇ ਸਿਖਰ 'ਤੇ ਹੋਣ ਅਤੇ ਸੂਰਜ ਦਾ ਤਾਪਮਾਨ ਵਧਣ ਕਾਰਨ ਪੂਰੇ ਉੱਤਰ ਭਾਰਤ ਦੇ ਲੋਕਾਂ ਨੂੰ ਕਈ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਇਨ੍ਹਾਂ ਵਿੱਚੋਂ ਇੱਕ ਹੈ ਕਬਜ਼ ਦੀ ਸਮੱਸਿਆ, ਜੋ ਵਿਅਕਤੀ ਨੂੰ ਬਹੁਤ ਅਸਹਿਜ ਅਤੇ ਕਮਜ਼ੋਰ ਬਣਾ ਦਿੰਦੀ ਹੈ। ਹਾਲਾਂਕਿ, ਇਹ ਇੱਕ ਆਮ ਸਮੱਸਿਆ ਹੈ ਜੋ ਗਰਮੀਆਂ ਵਿੱਚ ਹੁੰਦੀ ਹੈ, ਜਿਸ ਨੂੰ ਕੁਝ ਉਪਚਾਰਾਂ ਦੀ ਮਦਦ ਨਾਲ ਦੂਰ ਕੀਤਾ ਜਾ ਸਕਦਾ ਹੈ। ਜਾਣੋ ਕੁਝ ਅਜਿਹੇ ਡਰਿੰਕਸ ਬਾਰੇ ਜਿਨ੍ਹਾਂ ਦਾ ਸੇਵਨ ਜੇਕਰ ਗਰਮੀ ਦੇ ਮੌਸਮ 'ਚ ਕੀਤਾ ਜਾਵੇ ਤਾਂ ਕਬਜ਼ ਤੋਂ ਤੁਰੰਤ ਰਾਹਤ ਮਿਲ ਸਕਦੀ ਹੈ।
ਕਬਜ਼ ਤੋਂ ਛੁਟਕਾਰਾ ਪਾਉਣ ਲਈ ਕੀ ਕਰੀਏ?:-
ਅੰਬ ਦਾ ਪੰਨਾ: ਅੰਬ ਦਾ ਪੰਨਾ ਹਰ ਭਾਰਤੀ ਘਰ ਵਿੱਚ ਆਸਾਨੀ ਨਾਲ ਉਪਲਬਧ ਇੱਕ ਤਾਜ਼ਗੀ ਵਾਲਾ ਡ੍ਰਿੰਕ ਹੈ ਜੋ ਕੱਚੇ ਅੰਬਾਂ ਤੋਂ ਬਣਾਇਆ ਜਾਂਦਾ ਹੈ। ਅੰਬ ਦਾ ਪਰਨਾ ਨਾ ਸਿਰਫ਼ ਸੁਆਦੀ ਹੁੰਦਾ ਹੈ ਸਗੋਂ ਫਾਈਬਰ ਨਾਲ ਭਰਪੂਰ ਵੀ ਹੁੰਦਾ ਹੈ। ਹਰੇ ਅੰਬ ਵਿੱਚ ਪੈਕਟਿਨ ਹੁੰਦਾ ਹੈ, ਇੱਕ ਘੁਲਣਸ਼ੀਲ ਫਾਈਬਰ ਜੋ ਪਾਚਨ ਵਿੱਚ ਸੁਧਾਰ ਕਰਦਾ ਹੈ ਅਤੇ ਕਬਜ਼ ਤੋਂ ਰਾਹਤ ਦਿੰਦਾ ਹੈ।
ਸੌਂਫ ਦਾ ਪਾਣੀ: ਸੌਂਫ ਵਿਚ ਕੁਦਰਤੀ ਪਾਚਨ ਗੁਣ ਹੁੰਦੇ ਹਨ ਅਤੇ ਇਹ ਕਬਜ਼ ਤੋਂ ਛੁਟਕਾਰਾ ਪਾਉਣ ਵਿਚ ਮਦਦ ਕਰ ਸਕਦੇ ਹਨ। ਇੱਕ ਚਮਚ ਸੌਂਫ ਨੂੰ ਇੱਕ ਗਲਾਸ ਪਾਣੀ ਵਿੱਚ ਰਾਤ ਭਰ ਭਿਓਂ ਕੇ ਇਸਨੂੰ ਸਵੇਰੇ ਪੀ ਲਓ। ਇਸ ਨਾਲ ਕਬਜ਼ ਤੋਂ ਰਾਹਤ ਮਿਲਦੀ ਹੈ।
ਲੱਸੀ: ਲੱਸੀ ਇੱਕ ਰਵਾਇਤੀ ਪੀਣ ਵਾਲਾ ਪਦਾਰਥ ਹੈ ਜੋ ਸਦੀਆਂ ਤੋਂ ਭਾਰਤੀ ਘਰਾਂ ਵਿੱਚ ਪਰੋਸਿਆ ਜਾਂਦਾ ਹੈ। ਲੱਸੀ ਆਪਣੇ ਪਾਚਨ ਫਾਇਦਿਆਂ ਲਈ ਜਾਣੀ ਜਾਂਦੀ ਹੈ। ਇਸ ਵਿੱਚ ਪ੍ਰੋਬਾਇਓਟਿਕਸ ਹੁੰਦੇ ਹਨ ਜੋ ਅੰਤੜੀਆਂ ਨੂੰ ਸਿਹਤਮੰਦ ਰੱਖਣ ਅਤੇ ਕਬਜ਼ ਤੋਂ ਰਾਹਤ ਪਾਉਣ ਵਿੱਚ ਮਦਦ ਕਰਦੇ ਹਨ।
ਜੀਰੇ ਦਾ ਪਾਣੀ: ਜੀਰੇ ਵਿੱਚ ਕਾਰਮਿਨੇਟਿਵ ਗੁਣ ਹੁੰਦੇ ਹਨ ਜੋ ਪਾਚਨ ਕਿਰਿਆ ਨੂੰ ਉਤੇਜਿਤ ਕਰਕੇ ਕਬਜ਼ ਨੂੰ ਦੂਰ ਕਰ ਸਕਦੇ ਹਨ। ਕਬਜ਼ ਤੋਂ ਛੁਟਕਾਰਾ ਪਾਉਣ ਲਈ ਇਕ ਚਮਚ ਜੀਰੇ ਨੂੰ ਇਕ ਗਲਾਸ ਪਾਣੀ ਵਿਚ ਉਬਾਲੋ, ਇਸ ਮਿਸ਼ਰਣ ਨੂੰ ਛਾਣ ਲਓ ਅਤੇ ਗਰਮਾ-ਗਰਮ ਪੀਓ।
ਪੁਦੀਨਾ ਅਤੇ ਨਿੰਬੂ: ਪੁਦੀਨੇ ਦਾ ਪਾਚਨ ਪ੍ਰਣਾਲੀ 'ਤੇ ਸਕਾਰਾਤਮਕ ਅਤੇ ਆਰਾਮਦਾਇਕ ਪ੍ਰਭਾਵ ਹੁੰਦਾ ਹੈ, ਜਿਸ ਨਾਲ ਕਬਜ਼ ਤੋਂ ਰਾਹਤ ਮਿਲਦੀ ਹੈ। ਨਿੰਬੂ ਦੇ ਰਸ ਵਿੱਚ ਪੁਦੀਨੇ ਦੀਆਂ ਪੱਤੀਆਂ ਅਤੇ ਪਾਣੀ ਮਿਲਾ ਕੇ ਇੱਕ ਤਰੋਤਾਜ਼ਾ ਡਰਿੰਕ ਬਣਾਓ। ਇਸ ਨੂੰ ਪੀਣ ਨਾਲ ਗਰਮੀਆਂ 'ਚ ਪਾਚਨ ਸੰਬੰਧੀ ਸਮੱਸਿਆਵਾਂ ਤੋਂ ਬਹੁਤ ਰਾਹਤ ਮਿਲਦੀ ਹੈ।
