ਚਾਈਨਾ ਡੋਰ ਦੀ ਲਪੇਟ ਵਿੱਚ ਮਾਸੂਮ ਆਇਆ, ਮੂੰਹ ਉੱਤੇ ਲੱਗੇ 120 ਟਾਂਕੇ !

ਸਮਰਾਲਾ ਨੇੜੇ ਇੱਕ ਬੱਚਾ ਚਾਈਨਾ ਡੋਰ ਦੀ ਲਪੇਟ ਵਿੱਚ ਆ ਬੁਰੀ ਤਰ੍ਹਾਂ ਜ਼ਖਮੀ ਹੋ ਗਿਆ। ਬੱਚੇ ਦੇ ਮੂੰਹ ਉੱਤੇ 120 ਟਾਂਕੇ ਲੱਗੇ ਹਨ, ਉਸ ਦੇ ਚਿਹਰੇ ਦੀ ਹਾਲੇ ਸਰਜਰੀ ਹੋਣੀ ਬਾਕੀ ਹੈ ਪਰਿਵਾਰ ਦਾ ਰੋ ਰੋ ਕੇ ਬੁਰਾ ਹਾਲ ਹੈ। ਇਸ ਤੋਂ ਪਹਿਲਾਂ ਵੀ ਅਜਿਹੇ ਕਈ ਮਾਮਲੇ ਸਾਹਮਣੇ ਆ ਚੁੱਕੇ ਹਨ।

ਲੁਧਿਆਣਾ:ਚਾਈਨਾ ਡੋਰ ਨੇ ਇੱਕ ਹੋਰ ਮਾਸੂਮ ਨੂੰ ਅਪਣਾ ਸ਼ਿਕਾਰ ਬਣਾਇਆ ਹੈ। ਦੱਸ ਦਈਏ ਕਿ ਸਮਰਾਲਾ ਦੇ ਵਸਨੀਕ ਹਰਜੀਤ ਸਿੰਘ 4 ਸਾਲ ਦਾ ਹੈ ਅਤੇ ਨਰਸਰੀ ਕਲਾਸ ਵਿੱਚ ਪੜਦਾ ਹੈ ਉਹ ਆਪਣੇ ਪਰਿਵਾਰ ਨਾਲ ਸਮਰਾਲਾ ਤੋਂ ਕਟਾਨਾ ਸਾਹਿਬ ਮੱਥਾ ਟੇਕਣ ਕਾਰ ਵਿੱਚ ਜਾ ਰਿਹਾ ਸੀ ਤਾਂ ਰਸਤੇ ਵਿੱਚ ਪਤੰਗ ਵੇਖਣ ਲਈ ਉਸ ਨੇ ਕਾਰ ਦੇ ਸ਼ੀਸ਼ੇ ਤੋਂ ਆਪਣੇ ਮੂੰਹ ਬਾਹਰ ਕੱਢ ਲਿਆ, ਜਿਸ ਕਰਕੇ ਉਸ ਦਾ ਚਿਹਰਾ ਚਾਈਨਾ ਡੋਰ ਦੀ ਲਪੇਟ ਵਿੱਚ ਆ ਗਿਆ। ਮਹਿਜ਼ 4 ਸਾਲ ਦਾ ਮਾਸੂਮ ਹਰਜੀਤ ਚਾਈਨਾ ਡੋਰ ਦਾ ਸ਼ਿਕਾਰ ਬਣ ਗਿਆ ਹੈ ਜਿਸ ਨੇ ਖੁਦ ਕਦੀ ਪਤੰਗ ਨਹੀਂ ਉਡਾਈ, ਪਰ ਕਿਸੇ ਦਾ ਸ਼ੌਂਕ ਅਤੇ ਚਾਈਨਾ ਡੋਰ ਉਸ ਤੇ ਕਹਿਰ ਬਣ ਗਈ ਹੈ।

ਇਹ ਵੀ ਪੜੋ:Drone in India Pak Border: ਭਾਰਤੀ ਸਰਹੱਦ ਅੰਦਰ ਮੁੜ ਦੇਖਿਆ ਗਿਆ ਡਰੋਨ, ਬੀਐਸਐਫ ਵੱਲੋਂ ਕਈ ਰਾਊਂਡ ਫਾਇਰ

ਮੱਥਾ ਟੇਕਣ ਲਈ ਗੁਰਦੁਆਰਾ ਸਾਹਿਬ ਜਾ ਰਿਹਾ ਸੀ ਪਰਿਵਾਰ: ਪੀੜਤ ਪਰਿਵਾਰ ਸਮਰਾਲਾ ਤੋਂ ਮੱਥਾ ਟੇਕਣ ਲਈ ਕਟਾਣਾ ਸਾਹਿਬ ਜਾ ਰਹੇ ਸਨ ਅਤੇ ਟੋਲ ਪਾਰ ਕਰਦੇ ਹੀ ਇਹ ਹਾਦਸਾ ਵਾਪਰ ਗਿਆ ਤੇ ਬੱਚੇ ਦਾ ਮੂੰਹ ਲਹੂ ਲੁਹਾਣ ਹੋ ਗਿਆ, ਜਿਸ ਤੋਂ ਬਾਅਦ ਉਸ ਨੂੰ ਨਿੱਜੀ ਹਸਪਤਾਲ ਦਾਖਲ ਕਰਵਾਇਆ ਗਿਆ। ਨਿਜੀ ਹਸਪਤਾਲ ਦੇ ਡਾਕਟਰਾਂ ਨੇ ਬੱਚੇ ਦੀ ਗੰਭੀਰ ਹਾਲਤ ਵੇਖਦਿਆਂ ਡਾਕਟਰਾਂ ਨੇ ਉਸ ਨੂੰ ਡੀ ਐਮ ਸੀ ਹਸਪਤਾਲ ਰੈਫਰ ਕਰ ਦਿੱਤਾ।

120 ਟਾਂਕੇ ਲੱਗੇ:ਬੱਚੇ ਦੇ ਮੂੰਹ ਉੱਤੇ 120 ਟਾਂਕੇ ਲੱਗੇ ਹਨ, ਉਸ ਦੇ ਚਿਹਰੇ ਦੀ ਹਾਲੇ ਸਰਜਰੀ ਹੋਣੀ ਬਾਕੀ ਹੈ ਪਰਿਵਾਰ ਦਾ ਰੋ ਰੋ ਕੇ ਬੁਰਾ ਹਾਲ ਹੈ। ਇਸ ਤੋਂ ਪਹਿਲਾਂ ਵੀ ਅਜਿਹੇ ਕਈ ਮਾਮਲੇ ਸਾਹਮਣੇ ਆ ਚੁੱਕੇ ਹਨ। ਪ੍ਰਸ਼ਾਸ਼ਨ ਦੀਆਂ ਕੋਸ਼ਿਸ਼ਾਂ ਦੇ ਬਾਵਜੂਦ ਚਾਈਨਾ ਡੋਰ ਦੀ ਵਿਕਰੀ ਬੰਦ ਨਹੀਂ ਹੋ ਸਕੀ ਹੈ, ਕਿਉਂਕਿ ਲੋਕ ਜਦੋਂ ਤੱਕ ਇਸ ਦੀ ਮੰਗ ਕਰਨੀ ਬੰਦ ਨਹੀਂ ਕਰਨਗੇ ਉਦੋਂ ਤੱਕ ਹਰਜੀਤ ਵਰਗੇ ਬੱਚੇ ਇਸ ਦਾ ਸ਼ਿਕਾਰ ਹੁੰਦੇ ਰਹਿਣਗੇ।

ਇਹ ਵੀ ਪੜੋ:ਵਿਦੇਸ਼ ਦੀ ਧਰਤੀ ਉੱਤੇ ਪੰਜਾਬੀ ਨੌਜਵਾਨ ਦੀ ਮੌਤ, ਪਰਿਵਾਰ ਨੇ ਸਰਕਾਰ ਅੱਗੇ ਲਗਾਈ ਗੁਹਾਰ

ਪੁਲਿਸ ਦਾ ਬਿਆਨ:ਇਸ ਸਬੰਧੀ ਡੀਐਸਪੀ ਨੇ ਦੱਸਿਆ ਕਿ ਪੁਲਿਸ ਨੇ ਕਾਰਵਾਈ ਕਰਦੇ ਹੋਏ ਚਾਈਨਾ ਡੋਰ ਵੇਚਣ ਵਾਲੇ ਕਾਫੀ ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ, ਪਰ ਫਿਰ ਵੀ ਕੁਝ ਲੋਕ ਅਜੇ ਵੀ ਇਸ ਪਲਾਸਟਿਕ ਡੋਰ ਨੂੰ ਵੇਚ ਰਹੇ ਹਨ, ਜਿਹਨਾਂ ਦੀ ਭਾਲ ਕੀਤੀ ਜਾ ਰਹੀ ਹੈ। ਇਸ ਦੇ ਨਾਲ ਹੀ ਉਹਨਾਂ ਨੇ ਕਿਹਾ ਕਿ ਪੁਲਿਸ ਹਾਈਵੇਅ ਨੇੜੇ ਪਾਬੰਦੀਸ਼ੁਦਾ ਪਤੰਗਾਂ ਨਾਲ ਪਤੰਗ ਉਡਾਉਣ ਵਾਲੇ ਮੁਲਜ਼ਮਾਂ ਨੂੰ ਫੜਨ ਦੀ ਕੋਸ਼ਿਸ਼ ਕਰੇਗੀ।