ਫ਼ਿਰੋਜਪੁਰ 'ਚ ਸਰਹੱਦ ਦੀ ਫ਼ੈਸਿੰਗ 'ਤੇ ਸ਼ੱਕੀ ਵਿਅਕਤੀ ਕਾਬੂ

ਫ਼ਿਰੋਜਪੁਰ 'ਚ ਕਸਬਾ ਗੁਰੂਹਰਸਹਾਏ ਦੇ ਨੇੜੇ ਸਰਹੱਦੀ ਚੌਂਕੀ ਬਹਾਦੁਰਕੇ ਵਿੱਚ ਫੈਸਿੰਗ ਨੇੜੇ ਘੁੰਮਦੇ ਇੱਕ ਸ਼ੱਕੀ ਵਿਅਕਤੀ ਨੂੰ ਬੀ.ਐੱਸ.ਐੱਫ ਦੇ ਜਵਾਨਾਂ ਨੇ ਕੀਤਾ ਕਾਬੂ।

ਫ਼ਿਰੋਜਪੁਰ: ਬੀਤੀ ਰਾਤ ਸ਼ਹਿਰ 'ਚ ਕਸਬਾ ਗੁਰੂਹਰਸਹਾਏ ਦੇ ਨੇੜੇ ਸਰਹੱਦੀ ਚੌਂਕੀ ਬਹਾਦੁਰਕੇ ਵਿੱਚ ਫੈਸਿੰਗ ਨੇੜੇ ਘੁੰਮਦੇ ਇੱਕ ਸ਼ੱਕੀ ਵਿਅਕਤੀ ਨੂੰ ਬੀ.ਐੱਸ.ਐੱਫ ਦੇ ਜਵਾਨਾ ਵਲੋਂ ਹਿਰਾਸਤ ਵਿੱਚ ਲਿਆ ਗਿਆ ਹੈ।

ਦੱਸ ਦਈਏ, ਅਸਿਸਟੈਂਟ ਕਮਾਂਡੈਂਟ ਮੁਕੇਸ਼ ਵਰਮਾ ਨੇ ਇਸ ਵਿਅਕਤੀ ਤੋਂ ਪੁੱਛਗਿਛ ਕਰਨ ਤੋਂ ਬਾਅਦ ਪੁਲਿਸ ਨੂੰ ਸੌਂਪ ਦਿੱਤਾ। ਇਸ ਸਬੰਧੀ ਡੀ.ਐੱ.ਪੀ ਗੁਰਜੀਤ ਸਿੰਘ ਨੇ ਦੱਸਿਆ ਕਿ ਬਹਾਦੁਰਕੇ ਚੌਂਕੀ ਦੀ ਕੰਡੀਲੀ ਤਾਰ ਦੇ ਕੋਲ ਘੁੰਮਦੇ ਇੱਕ ਸ਼ੱਕੀ ਵਿਅਕਤੀ ਨੂੰ ਗ੍ਰਿਫ਼ਤਾਰ ਕੀਤਾ ਸੀ।
ਇਸ ਵਿਅਕਤੀ ਤੋਂ ਪੁੱਛਗਿੱਛ ਕਰਨ ਤੋਂ ਬਾਅਦ ਪਤਾ ਲੱਗਿਆ ਕਿ ਉਹ ਵਿਅਕਤੀ ਮਾਨਸਿਕ ਤੌਰ 'ਤੇ ਪਰੇਸ਼ਾਨ ਹੈ। ਇਸ ਦੀ ਪਛਾਣ ਕਾਨਹਾ ਪੁੱਤਰ ਮੰਗਹੀ ਰਾਮ ਜ਼ਿਲ੍ਹਾ ਉਜੈਨ ਮੱਧ ਪ੍ਰਦੇਸ਼ ਵਜੋਂ ਹੋਈ ਹੈ।