ਦਿੱਲੀ ਪਿਛਲੇ 40 ਸਾਲਾਂ ਤੋਂ ਪੰਜਾਬ ਨਾਲ ਧੱਕਾ ਕਰ ਰਹੀ ਹੈ:ਕੰਵਰਪਾਲ ਸਿੰਘ

ਸ੍ਰੀ ਅਕਾਲ ਤਖ਼ਤ ਸਾਹਿਬ ਵਿਖੇ ਮੱਥਾ ਟੇਕਣ ਤੋਂ ਬਾਅਦ ਦਲ ਖ਼ਾਲਸਾ ਦੇ ਬੁਲਾਰੇ ਕੰਵਰਪਾਲ ਸਿੰਘ ਨੇ ਕਿਹਾ ਕਿ ਪੰਜਾਬ ਦੀਆਂ ਕਿਸਾਨ ਜਥੇਬੰਦੀਆਂ ਵੱਲੋਂ "ਦਿੱਲੀ ਚੱਲੋ" ਦਾ ਸੱਦਾ ਦਿੱਤਾ ਗਿਆ ਹੈ ਤੇ ਉਹ ਲੋਕ ਇਨਸਾਫ ਵੈਲਫੇਅਰ ਸੁਸਾਇਟੀ ਦੇ ਪ੍ਰਧਾਨ ਬਲਦੇਵ ਸਿੰਘ ਸਿਰਸਾ ਦੀ ਅਗਵਾਈ ਹੇਠ ਅੱਜ ਦਿੱਲੀ ਰਵਾਨਾ ਹੋਣਗੇ।

ਅੰਮ੍ਰਿਤਸਰ: ਖੇਤੀ ਕਾਨੂੰਨਾਂ ਦੇ ਵਿਰੋਧ 'ਚ ਹਰ ਵਰਗ ਕਿਸਾਨਾਂ ਨਾਲ ਮੋਢੇ ਨਾਲ ਮੋਢਾ ਜੋੜ ਖੜ੍ਹਾ ਹੈ। ਕਿਸਾਨਾਂ ਨੇ ਇਨ੍ਹਾਂ ਬਿੱਲਾਂ ਦੇ ਵਿਰੋਧ 'ਚ ਦਿੱਲੀ ਨੂੰ ਕੂਚ ਕਰ ਦਿੱਤਾ ਹੈ ਤੇ ਦਲ ਖਾਲਸਾ ਦੇ ਬੁਲਾਰੇ ਕੰਵਰਪਾਲ ਸਿੰਘ ਸ੍ਰੀ ਅਕਾਲ ਤਖ਼ਤ ਸਾਹਿਬ ਮੱਥਾ ਟੇਕਣ ਆਏ ਤੇ ਉਨ੍ਹਾਂ ਨੇ ਹਰਿਆਣਾ ਸਕਾਰ ਦੇ ਬਾਰਡਰ ਰੋਕਣ 'ਤੇ ਚੁੱਕੇ ਕਦਮਾਂ ਦੀ ਨਿਖੇਧੀ ਕੀਤੀ।

ਕੇਂਦਰ ਦਾ ਅੜੀਅਲ ਸੁਭਾਅ ਤੋੜ ਕੇ ਰਖਾਂਗੇ

ਦਲ ਖਾਲਸਾ ਦੇ ਬੁਲਾਰੇ ਦਾ ਕਹਿਣਾ ਹੈ ਕਿ ਉਹ ਲੋਕ ਇਨਸਾਫ਼ ਪਾਰਟੀ ਵੈਲਫੇਅਰ ਸੁਸਾਇਟੀ ਦੇ ਪ੍ਰਧਾਨ ਬਲਦੇਵ ਸਿੰਘ ਸਿਰਸਾ ਦੀ ਅਹਵਾਈ 'ਚ ਅੱਜ ਦਿੱਲੀ ਨੂੰ ਰਵਾਣਾ ਹੋਣਗੇ।ਉਨ੍ਹਾਂ ਕਿਹਾ ਕਿ ਕਿਸਾਨੀ ਸੰਘਰਸ਼ ਇੱਕਜੁਟਤਾ ਜਾਹਰ ਕਰ ਰਹੀ ਹੈ ਤੇ ਅਸੀਂ ਕੇਂਦਰ ਸਰਕਾਰ ਦਾ ਅੜੀਅਲ ਤੇ ਹੰਕਾਰੀ ਸੁਭਾਅ ਤੋੜ ਕੇ ਆਂਵਾਂਗੇ।

ਕੇਂਦਰ ਪੰਜਾਬ ਨੂੰ ਕਲੋਨੀ ਦੀ ਤਰ੍ਹਾਂ ਵਰਤਦਾ

ਉਨ੍ਹਾਂ ਨੇ ਖੇਦ ਜਤਾਉਂਦੇ ਕਿਹਾ ਕਿ ਦਿੱਲੀ ਬੀਤੇ 40 ਸਾਲਾਂ ਤੋਂ ਪੰਜਾਬ ਨਾਲ ਧੱਕਾ ਕਰ ਰਹੀ ਹੈ। ਪੰਜਾਬ ਨੂੰ ਕੇਂਦਰ ਇੱਕ ਕਲੋਨੀ ਦੀ ਤਰ੍ਹਾਂ ਵਰਤਦਾ ਹੈ। ਇਹ ਮਸਲਾ ਸਿਰਫ਼ ਕਿਸਾਨੀ ਨਾਲ ਨਹੀਂ ਪੰਜਾਬ ਦੀ ਆਰਥਿਕਤਾ ਨਾਲ ਜੁੜਿਆ ਹੋਇਆ ਹੈ।

ਹਰਿਆਣਾ ਸਰਕਾਰ 'ਤੇ ਕੱਸੇ ਤੰਜ

ਹਰਿਆਣਾ ਸਰਕਾਰ ਦੇ ਕਿਸਾਨਾਂ ਨੂੰ ਰੋਕਣ ਦੀ ਕਰੜੇ ਸ਼ਬਦਾਂ 'ਚ ਨਿੰਦਾ ਕੀਤੀ। ਉਨ੍ਹਾਂ ਨੇ ਕਿਹਾ ਜੇਕਰ ਉਹ ਕਿਸਾਨਾਂ ਨੂੰ ਪੱਥਰ ਲੱਗਾ ਕੇ ਰੋਕਣਾ ਚਾਹੁੰਦੇ ਹਨ ਤੇ ਉਹ ਪੱਕੀਆਂ ਦੀਵਾਰਾਂ ਕਰ ਦੇਣ। ਅਸੀਂ ਆਪਣੀ ਥਾਂ ਰਾਜੀ ਤੇ ਉਹ ਆਪਣੀ ਥਾਂ ਰਾਜੀ।ਉਨ੍ਹਾਂ ਨੇ ਕਿਹਾ ਕਿ ਨਾ ਪੰਜਾਬ ਪਹਿਲਾਂ ਕਦੀਂ ਡਰਿਆ ਸੀ ਤੇ ਨਾ ਹੁਣ ਡਰੇਗਾ।