ਸੁਪਨੇ ਸੱਚ ਹੁੰਦੇ ਹਨ ਬੱਸ ਉਸ ਲਈ ਮਿਹਨਤ ਜ਼ਰੂਰੀ ਹੈ: ਐਮੀ ਵਿਰਕ

ਪਾਲੀਵੁੱਡ ਸੁਪਰਸਟਾਰ ਐਮੀ ਵਿਰਕ ਨੇ ਆਪਣੀ ਨਵੀਂ ਗੱਡੀ ਦੀ ਜਾਣਕਾਰੀ ਇੰਸਟਾਗ੍ਰਾਮ 'ਤੇ ਸਾਂਝੀ ਕੀਤੀ ਹੈ।

ਚੰਡੀਗੜ੍ਹ: ਪੰਜਾਬੀ ਇੰਡਸਟਰੀ ਦੇ ਸੁਪਰਸਟਾਰ ਐਮੀ ਵਿਰਕ ਅੱਜ-ਕੱਲ੍ਹ ਚਰਚਾ ਦਾ ਵਿਸ਼ਾ ਬਣੇ ਹੋਏ ਹਨ। ਹਾਲ ਹੀ ਦੇ ਵਿੱਚ ਐਮੀ ਵਿਰਕ ਨੇ ਇੰਸਟਾਗ੍ਰਾਮ 'ਤੇ ਪੋਸਟ ਸਾਂਝੀ ਕੀਤੀ ਹੈ।
ਇਸ ਪੋਸਟ 'ਚ ਐਮੀ ਨੇ ਆਪਣੀ ਨਵੀਂ ਗੱਡੀ ਰੇਂਜ ਰੋਵਰ ਦਾ ਜ਼ਿਕਰ ਕੀਤਾ ਹੈ। ਪੋਸਟ ਨੂੰ ਸਾਂਝਾ ਕਰਦੇ ਹੋਏ ਐਮੀ ਲਿਖਦੇ ਹਨ,"ਵਾਹਿਗੁਰੂ ਜੀ ਦੀ ਕ੍ਰਿਪਾ ਨਾਲ ,ਮਾਂ-ਪਿਓ ਦੀਆਂ ਦੁਆਵਾਂ ਨਾਲ ਤੇ ਮਿਹਨਤਾਂ ਨਾਲ ਇਹ ਦਿਨ ਆਏ...ਸੁਪਨੇ ਸੱਚ ਹੁੰਦੇ ਹਨ ਬੱਸ ਉਸ ਲਈ ਮਿਹਨਤ ਜ਼ਰੂਰੀ ਹੈ...ਵਾਹਿਗੁਰੂ ਸਾਰਿਆਂ ਦੇ ਸੁਪਨੇ ਪੂਰੇ ਕਰੇ ਧੰਨਵਾਦ ਤੁਹਾਡੇ ਸਾਰਿਆਂ ਦਾ ਮੈਨੂੰ ਇੱਥੇ ਤੱਕ ਲੈ ਕੇ ਆਉਣ ਦੇ ਲਈ..ਬੇਬੇ ਬਾਪੂ।"

ਦੱਸਣਯੋਗ ਹੈ ਕਿ ਇਸ ਵੇਲੇ ਐਮੀ ਆਪਣੀ ਆਉਣ ਵਾਲੀ ਫ਼ਿਲਮ 'ਮੁਕਲਾਵਾ' ਦੇ ਪ੍ਰਮੋਸ਼ਨ 'ਚ ਮਸਰੂਫ਼ ਹਨ। ਇਹ ਫ਼ਿਲਮ 24 ਮਈ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਵੇਗੀ।