ਮੁੰਬਈ:ਸੁਪਰਸਟਾਰ ਸਲਮਾਨ ਖਾਨ ਅਤੇ ਆਮਿਰ ਖਾਨ ਨੇ ਸ਼ੁੱਕਰਵਾਰ ਦੀ ਰਾਤ ਨੂੰ ਈਦ 2023 ਦਾ ਇਕੱਠੇ ਸਵਾਗਤ ਕਰਦੇ ਹੋਏ ਖੁਸ਼ੀ ਦੀ ਸੈਲਫੀ ਸਾਂਝੀ ਕੀਤੀ ਹੈ। ਸਲਮਾਨ ਨੇ ਇੰਸਟਾਗ੍ਰਾਮ 'ਤੇ ਤਸਵੀਰ ਸ਼ੇਅਰ ਕਰਦੇ ਹੋਏ ਲਿਖਿਆ, 'ਚਾਂਦ ਮੁਬਾਰਕ।' ਤਸਵੀਰ 'ਚ ਸਲਮਾਨ ਨੂੰ ਬਲੈਕ ਸ਼ਰਟ ਅਤੇ ਬਲੈਕ ਜੀਨਸ ਪਹਿਨੇ ਦੇਖਿਆ ਜਾ ਸਕਦਾ ਹੈ। ਦੂਜੇ ਪਾਸੇ ਆਮਿਰ ਨੇ ਕੈਜ਼ੂਅਲ ਨੀਲੇ ਰੰਗ ਦੀ ਟੀ-ਸ਼ਰਟ ਪਹਿਨੀ ਸੀ।
ਦਿੱਗਜ ਅਦਾਕਾਰ ਦੁਆਰਾ ਪੋਸਟ ਛੱਡਣ ਤੋਂ ਤੁਰੰਤ ਬਾਅਦ ਪ੍ਰਸ਼ੰਸਕਾਂ ਨੇ ਲਾਲ ਦਿਲਾਂ ਅਤੇ ਫਾਇਰ ਇਮੋਜੀ ਨਾਲ ਟਿੱਪਣੀ ਭਾਗ ਨੂੰ ਭਰ ਦਿੱਤਾ। "ਤੁਸੀਂ ਚੰਦ ਹੋ," ਇੱਕ ਪ੍ਰਸ਼ੰਸਕ ਨੇ ਟਿੱਪਣੀ ਕੀਤੀ। ਇੱਕ ਹੋਰ ਪ੍ਰਸ਼ੰਸਕ ਨੇ ਲਿਖਿਆ, "ਇੱਕ ਫਰੇਮ ਵਿੱਚ ਦੋ ਲੀਜੈਂਡ।" ਇੱਕ ਹੋਰ ਪ੍ਰਸ਼ੰਸਕ ਨੇ ਲਿਖਿਆ " ਸਲਮਾਨ ਸਰ, ਤੁਸੀਂ ਅਤੇ ਆਮਿਰ ਸਰ ਬਹੁਤ ਖੂਬਸੂਰਤ ਲੱਗ ਰਹੇ ਹੋ ਮਾਸ਼ਾਅੱਲਾ ।"
ਇਸ ਦੌਰਾਨ ਕੁਝ ਪ੍ਰਸ਼ੰਸਕਾਂ ਨੇ ਮੌਕਾ ਸੰਭਾਲਦਿਆਂ ਆਮਿਰ ਅਤੇ ਸਲਮਾਨ ਸਟਾਰਰ ਸੁਪਰਹਿੱਟ ਫਿਲਮ 'ਅੰਦਾਜ਼ ਅਪਨਾ ਅਪਨਾ' ਦੇ ਸੀਕਵਲ ਦੀ ਮੰਗ ਕੀਤੀ। ਇੱਕ ਯੂਜ਼ਰ ਨੇ ਲਿਖਿਆ "ਅੰਦਾਜ਼ ਅਪਨਾ ਅਪਨਾ 2 ਦੀ ਪੁਸ਼ਟੀ ਹੋਈ?" ਇੱਕ ਹੋਰ ਯੂਜ਼ਰ ਨੇ ਲਿਖਿਆ, "ਅਸੀਂ ਅੰਦਾਜ਼ ਅਪਨਾ ਅਪਨਾ 2 ਚਾਹੁੰਦੇ ਹਾਂ।" ਇੱਕ ਪ੍ਰਸ਼ੰਸਕ ਨੇ ਲਿਖਿਆ "ਅਮਰ-ਪ੍ਰੇਮ ਦੁਬਾਰਾ ਇਕੱਠੇ ਹੋਏ ਹਨ।" ਇੱਕ ਹੋਰ ਪ੍ਰਸ਼ੰਸਕ ਨੇ ਲਿਖਿਆ, "ਸਲਮਾਨ ਖਾਨ ਆਮਿਰ ਖਾਨ ਅੰਦਾਜ਼ ਅਪਨਾ ਅਪਨਾ ਪੁਸ਼ਟੀ ਹੈ ਲਗਤਾ ਹੈ।" ਤੁਹਾਨੂੰ ਦੱਸ ਦਈਏ ਸਾਲ 1994 'ਚ ਰਿਲੀਜ਼ ਹੋਈ ਅੰਦਾਜ਼ ਅਪਨਾ ਅਪਨਾ 'ਚ ਸਲਮਾਨ ਅਤੇ ਆਮਿਰ ਦੀ ਜੋੜੀ ਨੂੰ ਖੂਬ ਪਸੰਦ ਕੀਤਾ ਗਿਆ ਸੀ। ਇਸ ਫਿਲਮ ਵਿੱਚ ਸਲਮਾਨ ਨੇ ਪ੍ਰੇਮ ਅਤੇ ਆਮਿਰ ਨੇ ਅਮਰ ਦਾ ਕਿਰਦਾਰ ਨਿਭਾਇਆ ਸੀ।
ਦੋਨਾਂ ਦਾ ਵਰਕਫੰਟ: ਸਲਮਾਨ ਦੀ ਪਰਿਵਾਰਕ ਮੰਨੋਰੰਜਨ ਫਿਲਮ 'ਕਿਸੀ ਕਾ ਭਾਈ ਕਿਸੀ ਕੀ ਜਾਨ' ਇਸ ਸ਼ੁੱਕਰਵਾਰ ਨੂੰ ਰਿਲੀਜ਼ ਹੋਈ ਅਤੇ ਦਰਸ਼ਕਾਂ ਦੁਆਰਾ ਮਿਲੀਆਂ-ਜੁਲੀਆਂ ਸਮੀਖਿਆਵਾਂ ਪ੍ਰਾਪਤ ਕੀਤੀਆਂ। ਫਰਹਾਦ ਸਾਮਜੀ ਦੁਆਰਾ ਨਿਰਦੇਸ਼ਤ, ਇਸ ਫਿਲਮ ਵਿੱਚ ਪੂਜਾ ਹੇਗੜੇ, ਸ਼ਹਿਨਾਜ਼ ਗਿੱਲ, ਪਲਕ ਤਿਵਾਰੀ ਅਤੇ ਵੈਂਕਟੇਸ਼ ਦੱਗੂਬਾਤੀ ਨੇ ਵੀ ਮੁੱਖ ਭੂਮਿਕਾਵਾਂ ਨਿਭਾਈਆਂ ਸਨ। ਉਹ ਅਗਲੀ ਐਕਸ਼ਨ ਥ੍ਰਿਲਰ ਫਿਲਮ 'ਟਾਈਗਰ 3' 'ਚ ਕੈਟਰੀਨਾ ਕੈਫ ਦੇ ਨਾਲ ਦਿਖਾਈ ਦੇਵੇਗਾ। 'ਟਾਈਗਰ 3' 2023 ਦੀਵਾਲੀ ਦੇ ਖਾਸ ਮੌਕੇ 'ਤੇ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਣ ਲਈ ਤਿਆਰ ਹੈ। ਦੂਜੇ ਪਾਸੇ ਆਮਿਰ ਆਖਰੀ ਵਾਰ ਫਿਲਮ ਲਾਲ ਸਿੰਘ ਚੱਢਾ ਵਿੱਚ ਕਰੀਨਾ ਕਪੂਰ ਖਾਨ ਦੇ ਨਾਲ ਨਜ਼ਰ ਆਏ ਸਨ। ਉਨ੍ਹਾਂ ਦੀ ਅਗਲੀ ਫਿਲਮ ਦੇ ਅਧਿਕਾਰਤ ਐਲਾਨ ਦਾ ਅਜੇ ਇੰਤਜ਼ਾਰ ਹੈ।
ਇਹ ਵੀ ਪੜ੍ਹੋ:Kisi Ka Bhai Kisi Ki Jaan Day 1 Box Office: ਦਰਸ਼ਕਾਂ 'ਤੇ ਨਹੀਂ ਚੱਲਿਆ ਸਲਮਾਨ ਦਾ ਜਾਦੂ, ਪਹਿਲੇ ਦਿਨ ਕੀਤੀ ਸਿਰਫ਼ ਇੰਨੀ ਕਮਾਈ
