ਫ਼ਰੀਦਕੋਟ: ਕਸਬਾ ਸਾਦਿਕ ਦੇ ਪਿੰਡ ਮਾਨੀ ਸਿੰਘ ਵਾਲਾ ਦੇ ਕਿਸਾਨ ਨੇ ਖੁਦਕੁਸ਼ੀ ਕਰ ਲਈ ਹੈ। ਕਿਸਾਨ ਵੱਲੋਂ HDFC ਬੈਂਕ ਦੀ 10 ਲੱਖ ਦੀ ਲਿਮਿਟ ਨਾ ਭਰੇ ਜਾਣ 'ਤੇ ਪਰੇਸ਼ਾਨ ਹੋ ਕੇ ਆਪਣੇ ਖੇਤ ਵਿੱਚ ਜਾ ਕੇ ਦਰਖ਼ਤ ਨਾਲ ਫਾਹਾ ਲਾ ਕੇ ਖ਼ੁਦਕੁਸ਼ੀ ਕਰ ਲਈ। ਕਿਸਾਨ ਦੇ ਕੋਲ ਕੇਵਲ 9 ਏਕੜ ਜ਼ਮੀਨ ਸੀ।
ਫ਼ਰੀਦਕੋਟ
ਬੇਸ਼ੱਕ ਕੈਪਟਨ ਸਰਕਾਰ ਦੀ ਪੰਜਾਬ ਵਿੱਚ ਕਿਸਾਨਾਂ ਦੀ ਕਰਜ ਮਾਫੀ ਦੀ ਸਕੀਮ ਚੱਲ ਰਹੀ ਹੈ ਪਰ ਉਸਦੇ ਬਾਵਜੂਦ ਪੰਜਾਬ ਵਿੱਚ ਕਿਸਾਨਾਂ ਦੀ ਖੁਦਕੁਸ਼ੀ ਦਾ ਸਿਲਸਿਲਾ ਰੁਕਣ ਦਾ ਨਾਮ ਨਹੀਂ ਲੈ ਰਿਹਾ।
ਤਾਜਾ ਮਾਮਲੇ ਵਿਚ ਫ਼ਰੀਦਕੋਟ ਦਾ ਇੱਕ ਹੋਰ ਕਿਸਾਨ ਕਰਜ ਦੀ ਭੇਂਟ ਚੜ੍ਹ ਗਿਆ। ਫ਼ਰੀਦਕੋਟ ਦੇ ਕਸਬਾ ਸਾਦਿਕ ਦੇ ਪਿੰਡ ਮਾਨੀ ਸਿੰਘ ਵਾਲੇ ਦੇ ਕਿਸਾਨ ਸਾਰਜ ਸਿੰਘ ( 50 ) ਪੁੱਤਰ ਗੁਰਚਰਨ ਸਿੰਘ ਵਲੋਂ ਆਪਣੇ ਖੇਤ ਵਿੱਚ ਜਾਕੇ ਦਰਖ਼ਤ ਨਾਲ ਫਾਹਾ ਲਗਾ ਕੇ ਖੁਦਕੁਸ਼ੀ ਕਰ ਲਈ।