କାଦୁଅ ରାସ୍ତାରେ ଗଡି ଗଡି ବିକ୍ଷୋଭ କଲେ ୱାର୍ଡ ମେମ୍ବର - ୱାର୍ଡ ମେମ୍ବରଙ୍କ ନିଆରା ବିକ୍ଷୋଭ
ଅମରାବତୀ: ଗାଁରେ ପକ୍କା ରାସ୍ତା ନିର୍ମାଣ ଦାବିରେ ୱାର୍ଡ ମେମ୍ବରଙ୍କ ଅଭିନବ ବିକ୍ଷୋଭ । କାଦୁଅ ପଚ ପଚ ରାସ୍ତାରେ ଗଡିଲେ ୱାର୍ଡ ମେମ୍ବର । ଏହି ଦୃଶ୍ୟ ସାମ୍ନାକୁ ଆସିଛି ଆନ୍ଧ୍ରପ୍ରଦେଶ ୱାଇଏସଆର ଜିଲ୍ଲା ଅନ୍ତର୍ଗତ ସୋମିରେଡ୍ଡୀପଲ୍ଲେ ପଞ୍ଚୟାତରୁ । ରାସ୍ତାରେ ଗଡି ବିକ୍ଷୋଭ କରୁଥିବା ବ୍ୟକ୍ତି ଜଣକ ହେଉଛନ୍ତି ଏହି ଅଞ୍ଚଳର ୱାର୍ଡ ମେମ୍ବର ରାଜେଶ । ତାଙ୍କ ଗାଁରେ ଭଲ ରାସ୍ତା ଖଣ୍ଡ ନଥିଲା । ବର୍ଷା ଦିନେ କାଦୁଅ ରାସ୍ତାରେ ଯାତାୟତ କରିବାରେ ଲୋକଙ୍କୁ ଅସୁବିଧା ହେଉଥିଲା । ଏହି ସମସ୍ୟା ପ୍ରତି ପ୍ରଶାସନର ଦୃଷ୍ଟି ଆକର୍ଷଣ କରିବା ପରେ ମଧ୍ୟ ସୁଫଳ ନ ମିଳିବାରୁ ଶେଷରେ ରାଜେଶ କାଦୁଅ ରାସ୍ତାରେ ଗଡି ଗଡି ରାସ୍ତାଟିଏ ପାଇଁ ଦାବି କରିଛନ୍ତି ।