ଅଭିଯୁକ୍ତକୁ ଧରିବାକୁ ଯାଇ ଫସିଗଲା ପୋଲିସ - ଅଭିଯୁକ୍ତକୁ ଧରିବାକୁ ଯାଇ ଆକ୍ରମଣର ଶିକାର ହେଲା ପୋଲିସ
ଲକ୍ଷ୍ନୌ: ବିଗିଡିବାରେ ଲାଗିଛି ଆଇନ ଶୃଙ୍ଖଳା ବ୍ୟବସ୍ଥା । ଫଳରେ ଆଇନକୁ ହାତକୁ ନେବାକୁ ପଛାଉ ନାହାନ୍ତି ସାଧାରଣ ଲୋକେ । ଉତ୍ତରପ୍ରଦେଶର ସୁଲତାନପୁର ଜିଲ୍ଲାର ଗୋଇଗଞ୍ଜ ଥାନା ଅନ୍ତର୍ଗତ ବରୁଇ ଗ୍ରାମରେ ପୋଲିସ ଉପରେ ଗ୍ରାମବାସୀ ଆକ୍ରମଣ କରିଥିବା ଅଭିଯୋଗ ହୋଇଛି । ଅଭିଯୁକ୍ତକୁ ଧରିବାକୁ ଯାଇଥିବାବେଳେ ଉକ୍ତ ଗ୍ରାମର କିଛି ମହିଳା ବାଡି ସାହାଯ୍ୟରେ ପୋଲିସ ଉପରେ ଆକ୍ରମଣ କରିଥିଲେ । ଏହି ଘଟଣାରେ ଅନେକ ପୋଲିସ କର୍ମୀ ଆହତ ହୋଇଥିବାବେଳେ ସେମାନଙ୍କୁ ନିକଟସ୍ଥ ଚିକିତ୍ସାଳୟରେ ଭର୍ତ୍ତି କରାଯାଇଛି । ପୋଲିସ ଓ ମହିଳାଙ୍କ ମଧ୍ୟରେ ସଂଘର୍ଷର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ବ୍ୟୁରୋ ରିପୋର୍ଟ, ଇଟିଭି ଭାରତ