ଘର ଭିତରେ ପଶିଗଲା କାର୍; ଜଣେ ମୃତ, ଅଳ୍ପକେ ବର୍ତ୍ତିଲେ 3 ଶିଶୁ

ଗାନ୍ଧୀନଗର: ଘରେ ଶୋଇଥିବା ଅବସ୍ଥାରେ ମାଡି ଆସିଲା ଗାଡି । ରାସ୍ତା ଛାଡି ଘର ଭିତରକୁ ପଶିଲା କାର । ଆଖି ପିଛୁଳାକେ 4 ଜଣଙ୍କ ଉପରେ ଚଢିଗଲା । କିନ୍ତୁ ସୌଭାଗ୍ୟବଶତଃ ଏଥିରୁ ବର୍ତ୍ତିଗଲେ ତିନି ଶିଶୁ । ଏଭଳି ଘଟଣା ଦେଖିବାକୁ ମିଳିଛି ଗୁଜୁରାଟର ଅହେମଦାବାଦ ଅଞ୍ଚଳରେ । ଏଥିରେ ଜଣେ ମହିଳାଙ୍କର ମୃତ୍ୟୁ ହୋଇଥିବା ବେଳେ 3 ଜଣ ଶିଶୁ ଆହତ ହୋଇଛନ୍ତି । ଏ ଘଟଣାର ପୁରା ଚିତ୍ର ସିସିଟିଭିରେ କଏଦ ହୋଇଛି । ପୋଲିସ ଗାଡି ଚାଳକଙ୍କ ନାଁରେ ମାମଲା ରୁଜୁ କରି ତଦନ୍ତ ଚଳାଇଛି । ବ୍ୟୁରୋ ରିପୋର୍ଟ, ଇଟିଭି ଭାରତ