ଶପଥଗ୍ରହଣ ଦେଖିଲେ ରାଇରଙ୍ଗପୁରବାସୀ - ଶପଥଗ୍ରହଣ ଦେଖିଲେ ରାଇରଙ୍ଗପୁରବାସୀ
ରାଇରଙ୍ଗପୁର: ସାରା ରାଜ୍ୟ ପାଇଁ ଆଜି ଏକ ଐତିହାସିକ ଦିନ । ଓଡ଼ିଆ ଝିଅ ଦ୍ରୌପଦୀ ମୁର୍ମୁ ଦେଶର ପଞ୍ଚଦଶ ରାଷ୍ଟ୍ରପତି ଭାବେ ଶପଥ ଗ୍ରହଣ କରିଛନ୍ତି । ଯାହାକୁ ନେଇ ଦ୍ରୌପଦୀ ମୁର୍ମୁଙ୍କ ପୈତୃକ ଗ୍ରାମ ଉପରବେଡା ସହିତ ତାଙ୍କ ଶ୍ବଶୁର ଘର ରାଇରଙ୍ଗପୁରରେ ଉତ୍ସବର ମାହୋଲ ଦେଖିବାକୁ ମିଳିଛି । ରାଇରଙ୍ଗପୁର ସ୍ଥିତ କଲ୍ୟାଣୀ ମଣ୍ଡପରେ ଏଲସିଡି ମାଧ୍ୟମରେ ରାଷ୍ଟ୍ରପତିଙ୍କ ଶପଥ ଗ୍ରହଣ କାର୍ଯ୍ୟକ୍ରମର ସିଧାପ୍ରସାରଣ ଦେଖିଛନ୍ତି ରାଇରଙ୍ଗପୁରବାସୀ । ଏଥିରେ ବିଭିନ୍ନ ସ୍କୁଲର ଛାତ୍ରଛାତ୍ରୀ, ଶିକ୍ଷକ, ଶିକ୍ଷୟିତ୍ରୀ ସହିତ ସ୍ଥାନୀୟ ଲୋକେ ଭର୍ଚୁଆଲ ଭାବେ ଶପଥଗ୍ରହଣ ଉତ୍ସବରେ ସାମିଲ ହୋଇଥିଲେ । ବାଣ ଫୁଟାଇ ନାଚଗୀତ କରି ଶପଥଗ୍ରହଣ ଉତ୍ସବକୁ ଆନନ୍ଦ ଉଲ୍ଲାସର ସହିତ ପାଳନ କରିଛନ୍ତି । ଇଟିଭି ଭାରତ, ରାଇରଙ୍ଗପୁର