ରୋଷେଇ କରୁଥିବା ବେଳେ ହଠାତ ଫାଟିଲା ଗ୍ୟାସ୍ ପାଇପ୍ - ରାୟଗଡା ଖବର
ରାୟଗଡା: ରାୟଗଡା ଜିଲ୍ଲା ଗୁଣପୁର ଶିବଶକ୍ତି ନଗରରେ ଅଘଟଣ । ଗ୍ୟାସ୍ ପାଇପ ଫାଟି ନିଆଁ ଲାଗିଯିବାରୁ ଜଣେ ଗୁରୁତର ହୋଇଛନ୍ତି । ଗୁରୁତରଙ୍କୁ ଗୁଣପୁର ସଦର ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଛି । ସୂଚନା ଅନୁସାରେ, ଗୁଣପୁର ଶିବଶକ୍ତି ନଗରରେ ରହୁଥିବା ନିରଞ୍ଜନ ପଣ୍ଡା ରୋଷେଇ କରୁଥିବା ବେଳେ ହଠାତ ତାଙ୍କ ଗ୍ୟାସ୍ ପାଇପ୍ଟି ଫାଟି ନିଆଁ ଲାଗିଯାଇଥିଲା । ଏହାଦେଖି ପଡୋଶୀ ଅଗ୍ନିଶମ ବିଭାଗକୁ ସୂଚନା ଦେଇଥିଲେ । ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛି । ନିଆଁରେ ଗୁରୁତର ହୋଇଥିବା ନିରଞ୍ଜନଙ୍କୁ ସ୍ଥାନୀୟ ଗୁଣପୁର ସଦର ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଛି । ରାୟଗଡାରୁ ରଞ୍ଜନ ରଥ, ଇଟିଭି ଭାରତ