ମାଉସୀ ଘର ବୁଲି ଯିବେ କାଳିଆ ସାଆନ୍ତେ, ବଡ ଦାଣ୍ଡରେ ଝଲସୁଛି ତିନି ରଥ

ପୁରୀ: ଆସନ୍ତାକାଲି ମାଉସୀ ମା ଘରକୁ ବୁଲି ଯିବ ଜଗତର ନାଥ ଜଗନ୍ନାଥ । ତାଙ୍କ ସହ ଭାଇ ବଳଭଦ୍ର ଭଉଣୀ ସୁଭଦ୍ରା ମଧ୍ୟ ପ୍ରସ୍ତୁତ ହୋଇସାରିଲେଣି । ଆଉ ବଡଦାଣ୍ଡରେ ପ୍ରଭୁଙ୍କ ଦୁଆର ସାମ୍ନାରେ ପ୍ରସ୍ତୁତ ହୋଇ ରହିଛି ତିନି ରଥ । ଆଉ ମାତ୍ର କେଇ ଘଣ୍ଟା ପରେ କାଳିଆ ଠାକୁର ରଥାରୁଢ ହେବେ । ହେଲେ ଆଜି ବଡଦାଣ୍ଡର ମନରୋମ ଦୃଶ୍ୟ ସମସ୍ତଙ୍କୁ ଆହ୍ଲାଦିତ କରିଛି । ତିନି ଠାକୁରଙ୍କ ରଥର ଚୂଡାନ୍ତ ପ୍ରସ୍ତୁତି ସରିଥିବା ବେଳେ ଘଣ୍ଟଘଣ୍ଚା ମଧ୍ୟରେ ବଡଦାଣ୍ଡ ହୁଲୁସ୍ତୁଲ ହେଉଛି । ଭକ୍ତଙ୍କର ଲମ୍ବା ଧାଡି ମଧ୍ୟ ଆଜିଠାରୁ ପରିଲକ୍ଷିତ ହେଉଛି ।