World Athletics Championships: ପଦକ ଜିତିବା ପରେ ନୀରଜଙ୍କ ପ୍ରତିକ୍ରିୟା - ବିଶ୍ବ ଆଥଲେଟିକ୍ସ ଚମ୍ପିଅନସିପରେ ପଦକ ଜିତିବା ପରେ ନୀରଜଙ୍କ ପ୍ରତିକ୍ରିୟା

ଓରେଗନ: ବିଶ୍ବ ଆଥଲେଟିକ୍ସ ଚମ୍ପିଅନସିପରେ ରୌପ୍ୟ ପଦକ ଜିତି ଦେଶ ପାଇଁ ଗୌରବ ଆଣିଛନ୍ତି ଟୋକିଓ ଅଲମ୍ପିକ୍ସ ସ୍ବର୍ଣ୍ଣ ବିଜେତା ନୀରଜ ଚୋପ୍ରା । 19 ବର୍ଷ ପରେ ଦ୍ବିତୀୟ ଭାରତୀୟ ଭାବେ ଏହି ସଫଳତା ହାସଲ କରିଛନ୍ତି ନୀରଜ । ଏନେଇ ଓରେଗନରୁ ଭିଡିଓ ବାର୍ତ୍ତା ଦେଇଛନ୍ତି ରୁପା ବିଜେତା ନୀରଜ ଚୋପ୍ରା । ପ୍ରତିଯୋଗିତା ବହୁତ ଟଫ ଥିଲା । ପ୍ରତିନ୍ଦ୍ବନ୍ଦୀ ବହୁତ ଭଲ ଜାଭିଲିନ ଫିଙ୍ଗିଥିଲେ । ଏହା ମୋ ପାଇଁ ବହୁତ ଚ୍ୟାଲେଞ୍ଜପୂର୍ଣ୍ଣ ହୋଇଥିଲା । ଆଜି ବହୁତ କିଛି ଶିଖିବାକୁ ମିଳିଲା । ସ୍ବର୍ଣ୍ଣ ଜିତିବା ପ୍ରୟାସ ଜାରି ରହିବ। ଫଳରେ ଖୁସିଥିବା କହିଛନ୍ତି ନୀରଜ । ଦେଶ ପାଇଁ ରୌପ୍ୟ ଜିତି ବହୁତ ଖୁସି ଥିବା କହିଛନ୍ତି । ଆଗାମୀ ବିଶ୍ବ ଚମ୍ପିଆନସିପରେ ସ୍ବର୍ଣ୍ଣ ଜିତିବାକୁ ଲକ୍ଷ୍ୟ ରଖିଥିବା କହିଛନ୍ତି । ତାଙ୍କ ଏହି ସଫଳତା ଯାତ୍ରାରେ ସାହାଯ୍ୟ କରିଥିବା ସାଇ, ଫେଡେରେସନ ଓ ସରକାରଙ୍କୁ ଧନ୍ୟବାଦ ଦେଇଛନ୍ତି ।