ଗୁଜୁରାଟରେ କନ୍ଦାଉଛି ବର୍ଷା: ଆହୁରି ୪ ଦିନ ବର୍ଷିବ, ଗଲାଣି ୬୧ ଜୀବନ - ପ୍ରବଳ ବର୍ଷା ଯୋଗୁଁ ଗୁଜୁରାଟରେ ଜୀବନହାନୀ
ଗାନ୍ଧୀନଗର: ଗୁଜୁରାଟରେ ବର୍ଷା ବିତ୍ପାତ ଯୋଗୁଁ ଜୀବନଜୀବିକା ବ୍ୟାପକ ଭାବରେ ପ୍ରଭାବିତ ହୋଇଛି । ଫଳରେ ୬୧ଜଣଙ୍କ ପ୍ରାଣହାନୀ ହୋଇଛି । ଅନେକ ସ୍ଥାନରେ ବନ୍ୟା ଯୋଗୁଁ ଲୋକେ ନାହିଁ ନଥିବା ହନ୍ତସନ୍ତ ହେଉଛନ୍ତି । ବିଶେଷ କରି ରାଜ୍ୟର ଛୋଟାଦେଇପୁର ଅଞ୍ଚଳରେ ସର୍ବାଧିକ ୨୨ cm ବର୍ଷା ରେକର୍ଡ ହୋଇଛି । ଖାଲି ସେତିକି ନୁହେଁ ୧୨ଟି ତହସିଲ୍ରେ ସ୍ବାଭାବିକ ଠାରୁ ୮cm ଅଧିକ ବର୍ଷା ରେକର୍ଡ ହୋଇଛି । ଏଥିରେ ଅହମ୍ମଦାବାଦ ଭଳି ସହର ମଧ୍ୟ ସାମିଲ ରହିଛି । ସ୍ଥାନୀୟ ପାଣିପାଗ କେନ୍ଦ୍ର ମୁତାବକ ଏଭଳି ସ୍ଥିତି ଆହୁରି ୪ ଦିନ ଲାଗି ରହିବ । ୬୯ଟି ତହସିଲ୍ରେ ପ୍ରବଳ ବର୍ଷା ରେକର୍ଡ ହୋଇଛି । ୬୧ଜଣଙ୍କ ଲୋକଙ୍କ ସହ ପ୍ରାୟ ୨୭୨ଟି ଗୃହପାଳିତ ପଶୁଙ୍କ ମଧ୍ୟ ମୃତ୍ୟୁ ହୋଇଛି । ତଳିଆ ଅଞ୍ଚଳରୁ ପ୍ରାୟ ୮ ହଜାରରୁ ଅଧିକ ଲୋକଙ୍କୁ ଉଦ୍ଧାର କରିଛି ପ୍ରଶାସନ ।