Maharashtra Political Crisis: ସତ ହେଲା ଅଭିନେତ୍ରୀ କଙ୍ଗନାଙ୍କ ଭବିଷ୍ୟବାଣୀ

ହାଇଦ୍ରାବାଦ: ସତ ହେଲା କଣ୍ଟ୍ରୋଭର୍ସି କ୍ବିନ୍‌ କଙ୍ଗନା ରଣାୱତ(Kangana Ranaut Viral Video)ଙ୍କ ଭବିଷ୍ୟବାଣୀ । ଉଦ୍ଧବ ଠାକରେ (CM Uddhav Thackrey)ଙ୍କୁ ଦେଇଥିବା ଅଭିଶାପ ସତ ହୋଇଛି । ମହାରାଷ୍ଟ୍ର ରାଜନୈତିକ ସଙ୍କଟ ଯୋଗୁଁ ଟଳମଳ ହୋଇଛି ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କ ଆସନ । ଶିବସେନାର ଟାଣୁଆ ନେତା ଏକନାଥ ସିନ୍ଦେଙ୍କ ବିଦ୍ରୋହ ଡାକରା ସରକାରଙ୍କ ଗାଦିକୁ ଅସ୍ଥିର କରିଛି । ଫଳରେ ମୁଖ୍ୟମନ୍ତ୍ରୀ ଉଦ୍ଧବ ଠାକରେ ମୁଖ୍ୟମନ୍ତ୍ରୀ ନିବାସରୁ ନିଜ ପୁଡା ପୁଟୁଳି ବାନ୍ଧି ନିଜ ଘରେ ପହଞ୍ଚିଛନ୍ତି । ଉଦ୍ଧବ ଠାକରେଙ୍କ ଏଭଳି ସ୍ଥିତିରେ ସୋସିଆଲ ମିଡ଼ିଆରେ ବଲିଉଡ଼ ଅଭିନେତ୍ରୀ କଙ୍ଗନା ରଣାୱତଙ୍କ ବୟାନ ଖୁବ ଭାଇରାଲ ହେଉଛି । ଏପରି କୁହାଯାଉଛି ଯେ ମୁଖ୍ୟମନ୍ତ୍ରୀ ଉଦ୍ଧବଙ୍କ ଉପରେ ଜଣେ ନାରୀର ଅଭିଶାପ ଭାରି ପଡ଼ିଛି । କଙ୍ଗନାଙ୍କ ମୁମ୍ବାଇସ୍ଥିତ ବାସଭବନ BMC ପକ୍ଷରୁ ଭଙ୍ଗାଯିବା ପରେ ସେ ଉଦ୍ଧବ ଠାକରେଙ୍କ ଅଭିଶାପ ଦେଇଥିଲେ । ଯାହାକି ଆଜି ହୋଇଛି ସତ ।