ଦୌଡୁ ଦୌଡୁ ଡ୍ରେନରେ ଖସିଲା ଘୋଡା, ଦେଖନ୍ତୁ ଭିଡିଓ
ଭୋପାଳ:ରାସ୍ତାରେ କ୍ଷିପ୍ର ବେଗରେ ଦୌଡୁଥିବା ଏକ ଘୋଡ ସହ ଏମିତି ଘଟିଲା ଦେଖେଣାହାରୀ ଆଚମ୍ବିତ ହୋଇଯାଇଥିଲେ । ତେବେ ଘୋଡାଟି ଦୌଡି ଯାଉଥିବା ବେଳେ ହଠାତ୍ ଏକ ଡ୍ରେନରେ ଗଳି ପଡିଥିଲା । ଘୋଡା ଉପରେ ବସିଥିବା ମାଲିକ ମଧ୍ୟ ନିଜ ଜୀବନ ବଞ୍ଚାଇବା ଲାଗି ଆକୁଳ ନିବେଦନ କରିଛନ୍ତି । ମଧ୍ୟପ୍ରଦେଶର ଜବରପୁରରେ ଏହି ଦୃଶ୍ୟ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ସୂଚନା ଅନୁସାରେ, ଜବଲପୁରର ଘୋଡାର ମାଲିକ ରହୀମ ଏକ ବିବାହ ଉତ୍ସବରୁ ଯୋଗଦେଇ ଫେରୁଥିଲେ । ଜବଲପୁରର ନୋଦରା ବ୍ରିଜ ନିକଟରେ ଥିବା ଏକ ଖୋଲା ଡ୍ରେନ ଭିତରକୁ ହଠାତ୍ ଖସି ପଡିଥିଲେ ।ଏହାପରେ ସେଠାରେ ଉପସ୍ଥିତ ଥିବା ସ୍ଥାନୀୟ ଲୋକ ପୋଲିସ ସୂଚନା ଦେଇଥିଲେ । ପୋଲିସ ଜେସିବି ସାହାଯ୍ୟରେ ଘୋଡା ଏବଂ ଏହାର ମାଲିକଙ୍କୁ ଉଦ୍ଧାର କରିଥିଲା । ବ୍ୟୁରୋ ରିପୋର୍ଟ, ଇଟିଭି ଭାରତ