ଗାୟତ୍ରୀ ବେଶରେ ଦର୍ଶନ ଦେଉଛନ୍ତି ମା' ଗଡଚଣ୍ଡୀ - ଗଡଚଣ୍ଡୀଙ୍କ ଗାୟତ୍ରୀ ବେଶ

ଆଉ ଦିନ କେଇଟା ପରେ ଦଶହରା ପର୍ବ । ଧରାପୃଷ୍ଠକୁ ଓହ୍ଲାଇ ଆସିବେ ଜଗତଜନନୀ ମା' ଦୁର୍ଗା । ଏନେଇ ଚଳଚଞ୍ଚଳ ହୋଇ ଉଠିଛି ମା' ଗଡ଼ଚଣ୍ଡୀଙ୍କ ପୀଠ । ମା'ଙ୍କ ଷୋଡ଼ଶଦିନାତ୍ମକ ପୂଜା ଚାଲିଥିବାବେଳେ ଆଜି ଭକ୍ତଙ୍କୁ ଗାୟତ୍ରୀ ବେଶରେ ଦର୍ଶନ ଦେଉଛନ୍ତି ମା' । ମା'ଙ୍କ ଏହି ବେଶ ଦେଖିବାକୁ ସକାଳୁ ସକାଳୁ ମନ୍ଦିରରେ ଭକ୍ତଙ୍କ ଭିଡ ଜମିଛି । ବର୍ତ୍ତମାନ ନବରାତ୍ରୀ ଚାଲିଥିବାରୁ ମା'ଙ୍କୁ ଦର୍ଶନ ପାଇଁ ରାଜ୍ୟର କୋଣ ଅନୁକୋଣରୁ ଭକ୍ତଙ୍କ ସୁଅ ଛୁଟୁଛି । ଶୁଣନ୍ତୁ ଏନେଇ କଣ କହୁଛନ୍ତି ପୂଜକ ।