ପାଇପ ଲାଇନ ମଝିରେ ଫସିଥିଲା ଶିଶୁ, ଉଦ୍ଧାର କଲା ଅଗ୍ନିଶମ ବିଭାଗ - ଖେଳୁଥିବା ବେଳେ ପାଇପ ଲାଇନ ମଝିରେ ଫସିଗଲା ଶିଶୁ

ବାଲେଶ୍ବର: ପାଇପ ଲାଇନ ପାଖରେ ଆପଣଙ୍କ ପିଲା ଖେଳୁଥିଲେ ସାବଧାନ ! ଖେଳୁଥିବାବେଳେ ପାଇପ୍‌ ଲାଇନ ମଝିରେ ଫସିଗଲା 5 ବର୍ଷର କୁନି ପିଲାଟିର ଗୋଡ । ଦୀର୍ଘ ସମୟ ଫସି ରହିବା ପରେ ପାଇପ କାଟି ଉଦ୍ଧାର କଲା ଅଗ୍ନିଶମ ବିଭାଗ । ବାଲେଶ୍ଵର ଜିଲ୍ଲା ମୁଖ୍ୟ ଚିକିତ୍ସାଳୟରେ ଜଣେ ରୋଗୀଙ୍କ ସମ୍ପର୍କୀୟଙ୍କ କୁନିପୁଅଟି ପାଇପ ଲାଇନ ରାସ୍ତାରେ ଖେଳୁଥିବା ବେଳେ ତାର ଗୋଡ଼ ପାଇପ ମଝିରେ ଫସି ଯାଇଥିଲା । ଯାହାଦ୍ୱାରା ଶିଶୁଟି ଯନ୍ତ୍ରଣା ଭୋଗିବା ସହ ସେଠାରୁ ବାହାରି ପାରୁ ନଥିଲା । ଶିଶୁଟିର ପରିଚୟ ମିଳି ପାରିନାହିଁ । ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ