ଗୋଠଛଡା ଦନ୍ତା ଉପଦ୍ରବ: ଭାଙ୍ଗିଲା ଘର, ଖାଇଲା ଧାନ

କେନ୍ଦୁଝର: ପାଟଣା ବନାଞ୍ଚଳ ଅନ୍ତର୍ଗତ ସାହରପଡା ସେକ୍ସନରେ ଗୋଠଛଡା ଦନ୍ତାର ଉପଦ୍ରବ(elephant terror) । ଗୋଠରୁ ଅଲଗା ହେବା ପରେ ବନ ବିଭାଗ ସମେତ ଲୋକଙ୍କ ନିଦ ହଜାଇ ଦେଇଛି ଦନ୍ତା । ପ୍ରତିଦିନ ଘର ଭାଙ୍ଗିବା ସାଙ୍ଗକୁ ଧନ ଜୀବନ ନଷ୍ଟ କରୁଛି । ଦନ୍ତା ଭୟରେ ଲୋକେ ମଧ୍ୟ ଭୟଭୀତ ହୋଇ ରହିଛନ୍ତି । ଗତ ରାତିରେ ୧୦ ଟି ଗାଁରେ ହାତୀ ଉପଦ୍ରବ କରିବା ସହ ବ୍ୟାପକ ପନିପରିବା ଚାଷ ଜମି ନଷ୍ଟ କରିଛି । ସେପଟେ ୨ ଟି ଘର ଭାଙ୍ଗିବା ସହ ଧାନ ଚାଉଳ ଖାଇଯାଇଛି ଦନ୍ତା । ବର୍ତ୍ତମାନ ସୁଦ୍ଧା ହାତୀଟି ଫୁଲପାହାଡ଼ି ଅଞ୍ଚଳରେ ଥିବା ବନ ବିଭାଗ ଖବର ପାଇଛି । ତେବେ କିପରି ଗୋଠଛଡା ଦନ୍ତାକୁ ଗୋଠରେ ମିଶାଯିବ, ସେଥିପାଇଁ ଚିନ୍ତା କରାଯାଉଥିବା ବେଳେ ବାଧକ ସାଜିଛି ଅଳ୍ପ ସଂଖ୍ୟକ ବନ କର୍ମଚାରୀ ।