ହଜି ଯାଇଥିଲା ସୁନା, ବାଟ ଦେଖାଇଲା ମୂଷା - ଡିଣ୍ଡୋଶୀରେ ଅଳିଆ ଗଦାରୁ ବାହାରିଲା ସୁନା
ମୁମ୍ବାଇ: ମୂଷାଗାତରୁ ମିଳିଲା ହଜିଯାଇଥିବା ୧୦୦ ଗ୍ରାମ ସୁନା । ମହାରାଷ୍ଟ୍ର ଡିଣ୍ଡୋଶୀ ଥାନା ଅଞ୍ଚଳର ସୁନ୍ଦରୀ ନାମକ ମହିଳା ବ୍ୟାଙ୍କରେ ସୁନା ଜମା କରିବାକୁ ଯାଉଥିଲେ । ଏହି ସମୟରେ ସେ ସାଥିରେ ନେଇ ଯାଉଥିବା ବଡ଼ାପାଓ ବ୍ୟାଗ୍କୁ ଦୁଇଜଣ ଅସହାୟଙ୍କୁ ଦେଇଥିଲେ । ବ୍ୟାଙ୍କ୍ରେ ପହଞ୍ଚିବା ପରେ ସେ ବଡ଼ାପାଓ ବ୍ୟାଗ୍ରେ ସୁନା ଛାଡ଼ି ଦେଇଥିବା ଜାଣିବାକୁ ପାଇଲେ । ଦୁଇ ଅସହାୟଙ୍କୁ ବ୍ୟାଗ ବିଷୟରେ ପଚାରିବାରୁ ସେମାନେ ଫୋପାଡ଼ି ଦେଇଥିବା କହିଥିଲେ । ଏହାକୁ ନେଇ ପୋଲିସକୁ ଖବର ଦେଇଥିଲେ ମହିଳା । ପୋଲିସ ମାମଲା ରୁଜୁ କରି ସ୍ଥାନୀୟ ସିସିଟିଭି ଯାଞ୍ଚ କରିଥିଲା । ସିସିଟିଭି ଫୁଟେଜ୍ରେ ସେହି ବ୍ୟାଗ୍କୁ ଏକ ମୂଷା ଦଳ ଗାତକୁ ନେଇ ଯାଉଥିବା ଦେଖିବାକୁ ପାଇଥିଲେ । ପୋଲିସ ମୂଷାଗାତ ଭିତରୁ ବ୍ୟାଗ ଉଦ୍ଧାର କରିବା ସହ ସେଥିରେ ଥିବା ସୁନାକୁ ମହିଳାଙ୍କୁ ହସ୍ତାନ୍ତର କରିଛନ୍ତି ।