ଛେଳି ଚୋରକୁ କାବୁ କରି ନିସ୍ତୁକ ମାଡ ମାରିଲେ ଗ୍ରାମବାସୀ

କେନ୍ଦୁଝର: ଛେଳି ଚୋରକୁ କାବୁ କରି ଗାଁ ଦାଣ୍ଡର ଏକ ଖୁଣ୍ଟରେ ବାନ୍ଧି ନିସ୍ତୁକ ମାଡ ମାରିଲେ ଗ୍ରାମବାସୀ । ଘଟଣା ଘଟିଛି କେନ୍ଦୁଝର ଜିଲ୍ଲା ତୁରୁମୁଙ୍ଗା ଥାନା ଅନ୍ତର୍ଗତ କେନ୍ଦେଇପଶି କାଶୀପୁର ଗ୍ରାମରେ । ଗତକାଲି(ସୋମବାର) ବିଳମ୍ବିତ ରାତିରେ ତୁରୁମୁଙ୍ଗା ଥାନା କାଶୀପୁର ଗ୍ରାମରୁ ଛେଳି ଚୋରାଇବାକୁ ଉଦ୍ୟମ କରୁଥିବାବେଳେ ପାଞ୍ଚ ଜଣ ଚୋରଙ୍କୁ କାବୁ କରିଥିଲେ ଗ୍ରାମବାସୀ । ଏଥିରେ ଦୁଇ ଜଣ ଖସି ପଳେଇବାରେ ସକ୍ଷମ ହୋଇଥିବାବେଳେ ଅନ୍ୟ ଦୁଇ ଜଣ ଛେଳିଚୋରଙ୍କୁ ଟ୍ରାଫିକ୍ ପୋଲରେ ବାନ୍ଧି ନିର୍ଧୂମ ଛେଚିଛନ୍ତି ଗ୍ରାମବାସୀ ଏବଂ ଅନ୍ୟ ଜଣକୁ ଘର ଭିତରେ ବାନ୍ଧି ରଖାଯାଇଥିଲା ।