ଗୀତଗାଇ କୋରୋନା ସଚେତନ କରୁଛନ୍ତି ସରପଞ୍ଚ

ଖୋର୍ଦ୍ଧା: ସାରା ବିଶ୍ୱକୁ ଆତଙ୍କିତ କରି ରଖିଛି କୋରୋନା ରୂପୀ ଅଦୃଶ୍ୟ ଭୂତାଣୁ । ଏହାକୁ ପ୍ରତିହତ କରିବା ପାଇଁ କେବଳ ସତର୍କ ଓ ସଚେତନତାର ଆବଶ୍ୟକ ରହିଛି ବୋଲି ଗୀତଗାଇ ସଚେତନ କରାଉଛନ୍ତି ସରପଞ୍ଚ । ଖୋର୍ଦ୍ଧା ଜିଲା ବେଗୁନିଆ ବ୍ଲକ ସିମର ଗ୍ରାମ ପଞ୍ଚାୟତର ମହିଳା ସରପଞ୍ଚ ସରୋଜିନୀ ଖୁଣ୍ଟିଆଙ୍କ କୋରୋନା ସଚେତନତା ଗୀତ ଏବେ ସୋସିଆଲ ମିଡିଆରେ ବେଶ୍ ଭାଇରଲ ହେଉଥିବା ଦେଖିବାକୁ ମିଳିଛି । ଗୀତ ମାଧ୍ୟମରେ କିଭଳି ଲୋକେ ଘରେ ରହିବେ, ମାସ୍କ ବ୍ୟବହାର କରିବେ, ସାମାଜିକ ଦୂରତା ଅବଲମ୍ବନ କରିବା ସହ ସରକାର ଜାରି କରିଥିବା ନିୟମ ମାନିବାକୁ ସେ ନିବେଦନ କରିଛନ୍ତି । ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ