କୋରୋନା ଚିହ୍ନଟ ପରେ ଅନୁଗୋଳରେ କଟକଣା କଡାକଡି, ଦେଖନ୍ତୁ ଭିଡିଓ... - ଅନୁଗୋଳ ଖବର

ଅନୁଗୋଳ: ଗୋଟିଏ ଦିନରେ 15ଟି କୋରୋନା ପଜିଟିଭ ଚିହ୍ନଟ ପରେ ଜିଲ୍ଲାରେ କଟକଣାକୁ ବଢାଇ ଦିଆଯାଇଛି । ସହରର ବିଭିନ୍ନ ସ୍ଥାନମାନଙ୍କରେ ପୋଲିସ ପେଟ୍ରୋଲିଂକୁ କଡାକଡି କରି ଦିଆଯାଇଛି । ମଟର ସାଇକେଲରେ କେବଳ ଜଣେ ଲୋକ ହିଁ ଯାଇପାରିବ ବୋଲି ପୋଲିସ ପକ୍ଷରୁ ସଚେତନତା କରାଯାଇଛି । ସେପଟେ 15 କୋରୋନା ଆକ୍ରାନ୍ତ ଚିହ୍ନଟ ପରେ ଲୋକେ ମଧ୍ୟ ଭୟଭୀତ ହୋଇଛନ୍ତି । ସୋମବାର ସହରରେ ଲୋକଙ୍କ ଯିବା ଆସିବା କମିଯିବା ସହ ଭିଡ଼ ମଧ୍ୟ କମିଯାଇଥିବା ଦେଖିବାକୁ ମିଳିଛି । ଅନ୍ୟପଟେ ସାଧାରଣ ଲୋକଙ୍କୁ ମାସ୍କ ପିନ୍ଧିବାକୁ ମଧ୍ୟ ପୋଲିସ ସଚେତନ କରିଛି । ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ