ନୂଆବର୍ଷ ପରେ ଆଜି ମହାପ୍ରଭୁଙ୍କୁ ଦର୍ଶନ କଲେ ଶ୍ରଦ୍ଧାଳୁ - ପୁରୀ ଜଗନ୍ନାଥ ମନ୍ଦିର

ପୁରୀ: ଖୋଲିଲା ଶ୍ରୀମନ୍ଦିର । ନୂଆବର୍ଷ ପରେ ମହାପ୍ରଭୁଙ୍କ ଦର୍ଶନ ପାଇଲେ ଭକ୍ତ । ଗତ ତିନିଦିନ ସାଧାରଣ ଦର୍ଶନ ବନ୍ଦ ରହିବା ପରେ ଆଜି ସାଧାରଣ ଦର୍ଶନକୁ ଅନୁମତି ମିଳିଛି । ଫଳରେ ମହାପ୍ରଭୁଙ୍କ ଦର୍ଶନ ପାଇ ଭକ୍ତ ବିହ୍ବଳ ହୋଇପଡିଛନ୍ତି ଭକ୍ତ । କୋଭିଡ ଗାଇଡ଼ ଲାଇନ ମାନି ଭକ୍ତ ମହାପ୍ରଭୁଙ୍କୁ ଦର୍ଶନ କରୁଛନ୍ତି। ନୂଆବର୍ଷରେ ମହାପ୍ରଭୁଙ୍କ ଦର୍ଶନରୁ ବଞ୍ଚିତ ଥିବା ଭକ୍ତ ଆଜି ଦର୍ଶନ ନେଇ ବେଶ ଖୁସି ଅଛନ୍ତି । ଅତ୍ୟଧିକ ଭିଡ଼ ସମ୍ଭାବନା ଥିବା ଦୃଷ୍ଟିରୁ କୋଭିଡ କଟକଣା ପାଇଁ ଡିସେମ୍ବର 31 , ଜାନୁଆରୀ 1 ନୂଆବର୍ଷ ଓ 2 ତାରିଖ ଦର୍ଶନ ବନ୍ଦ ରହିଥିଲା। 2 ତାରିଖ ରବିବାର ଥିବା ଶ୍ରୀମନ୍ଦିର SOP ଅନୁଯାୟୀ ଶ୍ରୀମନ୍ଦିର ସାନିଟାଇଜ ପାଇଁ ବନ୍ଦ ରହିଥିଲା । ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ