ହାତରେ ହଳ ଲଙ୍ଗଳ ଧରି ଚାଷ ଜମିରେ ନବରଙ୍ଗପୁର ବିଧାୟକ

ନବରଙ୍ଗପୁର: ପୁଣି ଚର୍ଚ୍ଚାରେ ଡାବୁଗାଁ ବିଧାୟକ ମନୋହର ରନ୍ଧାରୀ । ହାତରେ ହଳ ଲଙ୍ଗଳ ଓ କାଦୁଅ ଜମିରେ ଚଷା ପୁଅ ଅବତାରରେ ବିଧାୟକ । ଏ ହେଉଛନ୍ତି ନବରଙ୍ଗପୁର ଜିଲ୍ଲା ଡାବୁଗାଁର ବିଧାୟକ ମନୋହର ରନ୍ଧାରୀ । ନିଜର ଭିନ୍ନ ଢଙ୍ଗରେ ଓ ନିଆରା ଅନ୍ଦାଜରେ ଜନସେବା କରି ଚର୍ଚ୍ଚା ସାଉଁଟିଥିବା ବିଧାୟକ ନିଜର ଆଉ ଏକ ଭିନ୍ନ କାର୍ଯ୍ୟ ପାଇଁ ଚର୍ଚ୍ଚାରେ ନବରଙ୍ଗପୁର ଜିଲ୍ଲା ଡାବୁଗାଁର ବିଧାୟକ ମନୋହର ରନ୍ଧାରୀ । ନିଜ ଜମିରେ ଚାଷୀ ସାଜି ହଳ କରିବା ସହିତ ଧାନ ଗଛ ଲଗାଇ ଚର୍ଚ୍ଚା ସାଉଁଟିଲେ ବିଧାୟକ । ନିଜ ପୈତୃକ ସମ୍ପତ୍ତି ର ଜମିରେ ନିଜେ ହଳ ଲଙ୍ଗଳ ଧରି ଚାଷ କରିବା ସହିତ ଜମିରେ ଅନ୍ୟ ମୂଲିଆ ମାନଙ୍କ ସହିତ ମିଶି ଧାନ ଗଛ ଲଗାଉଛନ୍ତି ବିଧାୟକ । ବିଧାୟକ ନିଜେ ଜମିରେ ହଳ ଲଙ୍ଗଳ କରି ଧାନ ଗଛ ଲଗାଉଥିବାର ଖବର ପ୍ରଚାର ହେବାପରେ ଆଗ୍ରହ ବଶତଃ କିଛି ଲୋକ ବିଧାୟକ ହଳ କରୁଥିବା ସମୟରେ ଭିଡିଓ ଉତ୍ତୋଳନ କରିଥିଲେ ।