ମାଓ ନେତା ରାମାନ୍ନାଙ୍କ ତ୍ୟାଗ ଓ ଆଦର୍ଶକୁ ନେଇ ଭିଡିଓ ଜାରି କଲା ମାଓ ସଙ୍ଗଠନ
ମାଲକାନଗିରି: ମାଓ ସଙ୍ଗଠନରେ କେନ୍ଦ୍ରୀୟ କମିଟିର ସଚିବ ରାମାନ୍ନାଙ୍କ ତ୍ୟାଗକୁ ନେଇ ଏକ ଡକ୍ୟୁମେଣ୍ଟାରୀ ଜାରି କରିଛି ମାଓବାଦୀ ସଙ୍ଗଠନ । ଯାହାକି ଏବେ ଭାଇରାଲ ହେବାରେ ଲାଗିଛି । ଗତ ଡିସେମ୍ବର ୮ ତାରିଖ ଦିନ ମାଓନେତା ରାମାନ୍ନାଙ୍କ ହୃଦଘାତରେ ମୃତ୍ୟୁ ହୋଇଥିଲା । ସେ ସମୟରେ ମାଓ ସଙ୍ଗଠନ ରାମାନ୍ନାଙ୍କ ମୃତ୍ୟୁକୁ ନେଇ ପ୍ରେସ ବିବୃତ୍ତି ଦେବା ସହ ତାଙ୍କ ଅନ୍ତେଷ୍ଟିକ୍ରିୟାର ଭିଡିଓ ମଧ୍ୟ ଭାଇରାଲ କରିଥିଲେ । ତେବେ ରାମାନ୍ନାଙ୍କ ନାମରେ ୫ଟି ରାଜ୍ୟରେ ମୋଟ ଦେଢ କୋଟିରୁ ଊର୍ଦ୍ଧ୍ବ ଟଙ୍କାର ପୁରସ୍କାର ରାଶି ରହିଥିବା ବେଳେ ଏହି ୫ଟି ରାଜ୍ୟରେ ସେ ମୋଷ୍ଟ ୱାଣ୍ଟେଡ ତାଲିକାରେ ରହିଥିଲା । ଶହ ଶହ କେସରେ ରାମାନ୍ନା ଜଡିତ ଥିବା ପୋଲିସ ପକ୍ଷରୁ ସୂଚନା ମିଳିଛି ।