ରହସ୍ୟମୟୀ ଲେଡିଙ୍କ ଏତଲାକୁ ନେଇ ଜବାବ ରଖିଲେ ବିସ୍ମିତ
ବାଲେଶ୍ବର: ମାନବପ୍ରେମୀ ଆଦିତ୍ୟ ଦାଶଙ୍କ ମୃତ୍ୟୁ ମାମଲାରେ ବାଲେଶ୍ଵର ଜିଲ୍ଲା ଖଇରା ଅଞ୍ଚଳର ଯୁବତୀ ଚିନ୍ମୟୀ ମହାପାତ୍ର ନିଜକୁ ତାଙ୍କର ପୂର୍ବତନ ପ୍ରେମିକାର ପରିଚୟ ଦେଇ ଗଣମାଧ୍ୟମକୁ ଆସିବା ପରେ ଟୁଇଷ୍ଟ ବଢିଥିଲା। ଏହାପରେ ଚିନ୍ମୟୀ ଖଇରା ଥାନାରେ ଏତଲା ଦେବାପରେ ଆହୁରି ଟୁଇଷ୍ଟ ବଢ଼ିବାରେ ଲାଗିଛି। ବାଲେଶ୍ୱରର ବିସ୍ମିତ ଦାଶ ଆଦିତ୍ୟଙ୍କ ମୃତ୍ୟୁ ପଛରେ ଜଣେ ସାଇକୋ ଲେଡିର ହାତ ଥିବା କଥା କହିଥିଲେ। ଦୁଇଦିନ ପରେ ସେ ଉକ୍ତ ଲେଡିଙ୍କ ସମ୍ପର୍କରେ ସମସ୍ତ ତଥ୍ୟ ଦେବେ ବୋଲି କହିଥିଲେ। ମାତ୍ର ଏହାରି ଭିତରେ ଖଇରା ଅଞ୍ଚଳର ଯୁବତୀ ଚିନ୍ମୟୀ ମହାପାତ୍ର ଗଣମାଧ୍ୟମ ସାମ୍ନାକୁ ଆସି ନିଜେ ଆଦିତ୍ୟଙ୍କ ପ୍ରେମିକା ବୋଲି ପରିଚୟ ଦେଇଛନ୍ତି।