ମହାପ୍ରସାଦକୁ ଅସମ୍ମାନ: ପେଜନଳା ନିକଟରେ ପଡିରହିଛି ବସ୍ତା ବସ୍ତା ଖଜା, ଭକ୍ତ ଅସନ୍ତୋଷ - puri jagannath temple

ପୁରୀ: ମହାପ୍ରସାଦକୁ ଅସମ୍ମାନ । ତାହା ପୁଣି ଶ୍ରୀମନ୍ଦିର ନିକଟରେ। ରାସ୍ତାରେ ପଡି ରହିଛି ବସ୍ତା ବସ୍ତା ତାଳପତ୍ର କୁଡୁଆ । ଯେଉଁଥିରେ ରହିଛି ମହାପ୍ରଭୁଙ୍କ ନିକଟରେ ଭୋଗ ଲାଗିଥିବା ଖଜା, ଜଗନ୍ନାଥ ବଲ୍ଲଭ ଏବଂ ଲୁଣି ଖଜା। ଶ୍ରୀମନ୍ଦିର ଦକ୍ଷିଣ ଦ୍ବାରର ପେଜ ନଳା ନିକଟରେ ଏଭଳି ଦୃଶ୍ୟ ଦେଖିବାକୁ ମିଳିଛି। ଯାହାକୁ ନେଇ ଭକ୍ତଙ୍କ ମଧ୍ୟରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି। ମହାପ୍ରସାଦ ଭଳି ଅମୂଲ୍ୟ ଜିନିଷ ଭକ୍ତଟିଏ ସବୁ ସମୟରେ ପାଉ ନଥିବାବେଳେ ମହାପ୍ରସାଦକୁ ଏଭଳି ରାସ୍ତା ମଝିରେ ଫୋପାଡିବା କେତେ ଯୁକ୍ତିଯୁକ୍ତ ବୋଲି ପ୍ରଶ୍ନ କରାଯାଉଛି । ତେବେ ଭୋଗ ଗୁଡ଼ିକ ଖରାପ ହୋଇ ଯାଇ ଥିବା ହେତୁ ଏହାକୁ ଫିଙ୍ଗି ଦିଆଯାଇ ଥିବା କୁହାଯାଉଛି।