ତ୍ରିରଙ୍ଗା ରଙ୍ଗରେ ଝଲସିଲା କୋଣାର୍କ ମନ୍ଦିର - କୋଣାର୍କ ମନ୍ଦିର

ପୁରୀ: ତ୍ରିରଙ୍ଗା ରଙ୍ଗରେ ଝଲସିଲା କୋଣାର୍କ ସୂର୍ଯ୍ୟ ମନ୍ଦିର । ଲେଜର ଲାଇଟ ସାହାର୍ଯ୍ୟରେ କୋଣାର୍କ ମନ୍ଦିରକୁ ତ୍ରିରଙ୍ଗାରେ ଚିତ୍ରିତ କରାଯାଇଛି । ଯାହାର ଦୃଶ୍ୟ ବେଶ୍ ମନୋରମ । କହିରଖୁଛୁ କି, ଖୁବଶୀଘ୍ର ଭାରତ ନିଜର ନାଗରିକଙ୍କୁ କୋଭିଡ ଟିକା ଦେବାରେ ଶହେ କୋଟି ପାର୍ କରିବ । ଇତିମଧ୍ୟରେ 97 କୋଟି ଲୋକଙ୍କୁ ଟିକା ଦିଆସରିଛି । ଶହେ କୋଟି ଲୋକଙ୍କୁ ଟିକା ପ୍ରଦାନ ପରେ ଏହାକୁ ଏକ ଉତ୍ସବ ରୂପେ ପାଳନ କରିବାକୁ କେନ୍ଦ୍ର ସରକାର ଯୋଜନା କରୁଛନ୍ତି । ଯୋଜନା ଅନୁଯାୟୀ ଦେଶର ଶହେଟି ଐତିହାସିକ କୀର୍ତ୍ତିରାଜିକୁ ଲେଜର ଲାଇଟ ମାଧ୍ୟମରେ ତ୍ରିରଙ୍ଗାରେ ଚିତ୍ରିତ କରାଯିବ । ଯାହାପାଇଁ ପ୍ରସ୍ତୁତି ଆରମ୍ଭ ହୋଇଯାଇଛି । ଏହି କ୍ରମରେ ଗତକାଲି(ଗୁରୁବାର) ରାତିରେ କୋଣାର୍କ ମନ୍ଦିରକୁ ଲେଜର ଲାଇଟ ଦ୍ବାରା ତ୍ରିରଙ୍ଗା ରଙ୍ଗରେ ରଙ୍ଗୀନ କରାଯାଇଛି । ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ