ମିଲରର ମନମାନି ଯୋଗୁଁ ମଣ୍ଡିରୁ ଉଠୁନି ଧାନ, ଚିନ୍ତାରେ ଚାଷୀ
ଖୋର୍ଦ୍ଧା: ମଣ୍ଡି ଖୋଲିଲା ହେଲେ ଉଠୁନି ଚାଷୀର କଷ୍ଟ ଅର୍ଜିତ ଧାନ । ଏଭଳି ସମସ୍ୟା ଖୋର୍ଦ୍ଧା ଜିଲ୍ଲା ପଙ୍ଗାରସିଂହ ସେବା ସମବାୟ ସମିତିରେ ଦେଖିବାକୁ ମିଳିଛି । ସମିତିର ଗୋଦାମ ଗୃହ ନଥିବା କାରଣରୁ ହଜାର ହଜାର କ୍ବିଣ୍ଟାଲ ଧାନ ଖୋଲା ଆକାଶ ତଳେ ପଡି ରହିଥିବା ବେଳେ ଏଥିପ୍ରତି କେହି ଦୃଷ୍ଟି ଦେଉନଥିବା ଦେଖାଦେଇଛି । ସେପଟେ, ମିଲରର ମନମାନି ପାଇଁ ଚାଷୀ ରାତି ଅନିଦ୍ରା ହୋଇ ଶୀତ କାକରରେ ପଡି ରହି ନିଜ ଧାନକୁ ଜଗି ରହିଛି । ଅପରପକ୍ଷେ, ସମବାୟ ଅଧିକାରୀ କହିଛନ୍ତି ସମସ୍ୟାର ସମାଧାନ କରାଯିବ ।