ଘଣ୍ଟ ବାଡେଇ ଜନତା କର୍ଫ୍ୟୁକୁ ସଫଳ କଲେ ଆନନ୍ଦପୁରବାସୀ - ଜନତା କର୍ଫ୍ୟୁ

ଆନନ୍ଦପୁର: ସଫଳ ହେଲା ଜନତା କର୍ଫ୍ୟୁ । ପ୍ରଧାନମନ୍ତ୍ରୀଙ୍କ ଆହ୍ବାନରେ ଆଜିର ଜନତା କର୍ଫ୍ୟୁ ହୋଇଛି ସଫଳ । ବିନା କୌଣସି ଫୋର୍ସରେ ଦେଶବାସୀ ଆଜି ଏହି କର୍ଫ୍ୟୁକୁ କରିଛନ୍ତି ଦେଶବାସୀ । ଏଥିରେ ପଛରେ ନାହାଁନ୍ତି ଆନନ୍ଦପୁର ବାସିନ୍ଦା । ଘଣ୍ଟ, ହୁଳୁହୁଳି, ଶଙ୍ଖ ବଜାଇ ଜରୁରୀକାଳୀନ ସେବାରେ ନିୟୋଜିତ ଥିବା ସମସ୍ତ ସେବାକାରୀଙ୍କୁ ଉତ୍ସାହିତ କରିଛନ୍ତି ଆନନ୍ଦପୁରବାସୀ । ଅପରାହ୍ନ ଠିକ୍ 5ଟା ସମୟରେ ନିଜ ନିଜ ଘରୁ ବାହାରି ସେବାରେ ନିୟୋଜିତ ଥିବା ବିଭିନ୍ନ ବିଭାଗର କର୍ମଚାରୀଙ୍କ ମନୋବଳକୁ ଘଣ୍ଟ ବଜାଇ ଦୃଢ କରିଛନ୍ତି । ଆଗକୁ କୋରୋନା ନିୟନ୍ତ୍ରଣ ନିମନ୍ତେ ସବୁପ୍ରକାର ସରକାରୀ ନିର୍ଦ୍ଦେଶନାମା ପାଳନ କରାଯିବା ବୋଲି ଆନନ୍ଦପୁରବାସୀ ସୂଚନା ଦେଇଛନ୍ତି । ଆନନ୍ଦପୁରରୁ ସ୍ମୃତିରଞ୍ଜନ ବିହାରୀ, ଇଟିଭି ଭାରତ