ଆଜି ମା' ଭଦ୍ରକାଳୀଙ୍କ ରାଜରାଜେଶ୍ଵର ବେଶ

ଭଦ୍ରକ: ଆଜି ମା' ଭଦ୍ରକାଳୀଙ୍କର ରାଜରାଜେଶ୍ବରୀ ବେଶ । କାଳୀପୂଜା ଉପଲକ୍ଷେ ମା’ ଭଦ୍ରକାଳୀଙ୍କର ସପ୍ତ ଦିବସ ବ୍ୟାପୀ ସପ୍ତମାତୃକା ବେଶର ତୃତୀୟ ଦିବସରେ ଆଜି ମା' "ରାଜରାଜେଶ୍ବରୀ ବେଶ"ରେ ପୂଜା ପାଉଛନ୍ତି । ଗୋଲାପୀ ପାଟବସ୍ତ୍ର ପରିଧାନ କରି ସ୍ବର୍ଣ୍ଣ ଓ ରୌପ୍ୟ ଅଳଙ୍କାରରେ ଭୂଷିତ ହୋଇଛନ୍ତି ମା' ଭଦ୍ରକାଳୀ । ବାଘ ମା'ଙ୍କର ବାହନ ଥିବାବେଳେ ମୁଖମଣ୍ଡଳ ପଦ୍ମ ବର୍ଣ୍ଣ ହୋଇଛି । ହସ୍ତରେ ଖଡ୍ଗ ଓ ଚକ୍ର ଧାରଣ କରି ଚତୁର୍ଦ୍ଧାମୂର୍ତ୍ତିରେ ମା' ଭକ୍ତଙ୍କୁ ଦର୍ଶନ ଦେଉଛନ୍ତି । କୋରୋନା କଟକଣା ମଧ୍ୟରେ ମା'ଙ୍କ ଦର୍ଶନ କରୁଛନ୍ତି ଭକ୍ତ । ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ