ପଠାଣି ସାମନ୍ତଙ୍କ ଜନ୍ମ ତିଥିକୁ ନେଇ ବିବାଦ, ମତ ରଖିଲେ ଖଣ୍ଡପଡା ପୂର୍ବତନ ବିଧାୟକ - ଖଣ୍ଡପଡା ପୂର୍ବତନ ବିଧାୟକଙ୍କ ପ୍ରତିକ୍ରିୟା

ନୟାଗଡ଼: ବିଶ୍ୱ ବରେଣ୍ୟ ପଠାଣି ସାମନ୍ତଙ୍କ ଜନ୍ମଜୟନ୍ତୀ କେବେ ? ଭିନ୍ନ ଭିନ୍ନ ଦିନରେ ଜନ୍ମଜୟନ୍ତୀ ପାଳନକୁ ନେଇ ସୃଷ୍ଟି ହୋଇଛି ବିବାଦ l ବିଭିନ୍ନ ରାଜନୈତିକ ଦଳ ଭିନ୍ନ ଭିନ୍ନ ଦିନରେ ଜନ୍ମଜୟନ୍ତୀ ପାଳନ କରୁଥିବାରୁ ସଂଶୟ ଉପୁଜିଛି । ତେବେ ପଠାଣି ସାମନ୍ତ ବା ମହାମହୋପାଧ୍ୟାୟ ସାମନ୍ତ ଚନ୍ଦ୍ରଶେଖର ସିଂହ ହରିଚନ୍ଦନ ମହାପାତ୍ର ନୟାଗଡ଼ ଜିଲ୍ଲା ଖଣ୍ଡପଡ଼ାରେ ୧୮୩୫ ରେ ଜନ୍ମିତ ଜଣେ ଜ୍ୟୋତିର୍ବିଦ ଓ ପଣ୍ଡିତ ଥିଲେ । 2011 ମସିହାରେ ବିଧାନସଭାରେ ଏନେଇ ପ୍ରଶ୍ନ ରଖିଥିଲେ ଖଣ୍ଡପଡାର ତତ୍କାଳୀନ ବିଧାୟକ ସିଦ୍ଧାର୍ଥ ଶେଖର ସିଂହ । ବହୁ ଆଲୋଚନା ପର୍ଯ୍ୟାଲୋଚନା ପରେ ପୌଷ ମାସ କୃଷ୍ଣପକ୍ଷ ଅଷ୍ଟମୀ ତିଥିରେ ପାଳନ ପାଇଁ ସରକାର ନିଷ୍ପତ୍ତି ନେଇଥିଲେ । କିନ୍ତୁ ଏହାକୁ ପ୍ରଶାସନ ଠାରୁ ଆରମ୍ଭ କରି ଅନେକ ଉଲ୍ଲଘନ କରୁଛନ୍ତି l ତିଥି ଅନୁସାରେ ପାଳନ ନ କରି ଅନ୍ୟ ଦିନରେ ପାଳନ ହେଉଥିବାରୁ ଉପୁଜୁଛି ବିବାଦ । ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ