ନିୟମଗିରିର ଡଙ୍ଗରିଆ: ଫିକା ପଡିଛି ଶିକ୍ଷା ବ୍ୟବସ୍ଥାର ରଙ୍ଗୀନ ଚିତ୍ର

ରାୟଗଡା: ନିୟମଗିରିର ଡ଼ଙ୍ଗରିଆ ଅଞ୍ଚଳରେ ବାଟ ହୁଡିଛି ଶିକ୍ଷା ଅଧିକାର ଆଇନ । ଶିକ୍ଷା ଅଧିକାରରୁ ବଞ୍ଚିତ ନିୟମଗିରିର ଡ଼ଙ୍ଗରିଆ ପିଲାଙ୍କ ପାଠପଢ଼ା ସମୟ ବିତୁଛି ଗାଁ ଦାଣ୍ଡରେ । ଖେଳ ସାଙ୍ଗକୁ ଛେଳି ଚରାଇ ବିତୁଛି ବେଳ । ସ୍ବାଧୀନତାର ଦୀର୍ଘ ଦଶନ୍ଧି ପରେ ପାଠ ପଢ଼ିବାକୁ ଚାହୁଁଛନ୍ତି ନିୟମଗିରି ଡ଼ଙ୍ଗରିଆ ପିଲା । ହେଲେ ଗାଁରେ ନା ଅଛି ସ୍କୁଲ ନା ଅଙ୍ଗନବାଡ଼ି କେନ୍ଦ୍ର । ଏଭଳି ପରିସ୍ଥିତିରେ ଶିକ୍ଷାଠାରୁ ଅନେକ ଦୂରରେ ରାୟଗଡ଼ାର କଞ୍ଜାମଜୋଡ଼ି ଗାଁ ।