‘ଡୋକ୍ରା କାରିଗରୀ’: ବଢୁଛି ଚାହିଦା, ମିଳୁନି ରୋଜଗାରର ମାଧ୍ୟମ - ଢେଙ୍କାନାଳର ଡୋକ୍ରା କାରିଗରୀ

ଢେଙ୍କାନାଳ: ଢେଙ୍କାନାଳ ସଦର ମହକୂମାଠାରୁ ମାତ୍ର 6 କିଲୋମିଟର ଦୂର ସପ୍ତଶଯ୍ୟା ପଞ୍ଚାୟତର ଛୋଟିଆ ଗାଁ ‘ସଦେଇବେରେଣୀ’ର ନାଁ ରାଜ୍ୟ ବା ଦେଶ ମଧ୍ୟରେ ସୀମିତ ହୋଇ ରହିନାହିଁ । ଏହାର କାରଣ ହେଉଛି ଗାଁର କାରିଗରମାନଙ୍କ ହାତ ତିଆରି ଡୋକ୍ରା ସାମଗ୍ରୀ । ଯାହା ଏବେ ଦେଶ ବାହାରର ପର୍ଯ୍ୟଟକମାନଙ୍କୁ ଟାଣି ଆଣୁଛି ଗାଁର କଳା ସଂସ୍କୃତି ଦେଖିବାକୁ । ହେଲେ ସମୟ ସହ କଞ୍ଚାମାଲ ଓ ସରକାରୀ ପ୍ରୋତ୍ସାହନର ଅଭାବରୁ ନିଜ କୌଳିକ ବୃତ୍ତିକୁ ବଞ୍ଚାଇବା ଚିନ୍ତାରେ ଡୋକ୍ରା ଶିଳ୍ପୀ ।