ଲେଖକ ସଂସଦର ୪୦ତମ ସାମ୍ବତ୍ସରିକ ଉତ୍ସବ - ୪୦ତମ ସାମ୍ବତ୍ସରିକ ମହୋତ୍ସବ
ଢେଙ୍କାନାଳ: ଲେଖକ ସଂସଦର ୪୦ତମ ସାମ୍ବତ୍ସରିକ ମହୋତ୍ସବ ସଂସଦର ସଭାଗୃହରେ ପାଳିତ ହୋଇଯାଇଛି । ଏହି ଉତ୍ସବ ଆସନ୍ତା ତିନିଦିନ ଧରି ଚାଲିବ । ସାଂସଦ ମହେଶ ସାହୁ କାର୍ଯ୍ୟକ୍ରମକୁ ଉଦଘାଟନ କରିଥିଲେ । ମୁଖ୍ୟ ବକ୍ତା ଭାବେ ପଣ୍ଡିତ ଡ.ଅନ୍ତର୍ଯ୍ୟାମି ମିଶ୍ର ଉତ୍ସବରେ ଯୋଗଦେଇଥିଲେ । ଏହି ଅବସରରେ ବରିଷ୍ଠ ସାରସ୍ବତ ପ୍ରତିଭାମାନଙ୍କର ଏକ ଶୋଭାଯାତ୍ରା ବାଜିଚୌ ଛକ ଠାରୁ ବାହାରି ସହର ମୁଖ୍ୟରାସ୍ତାରେ ସଂସଦ କାର୍ଯ୍ୟାଳୟର ପର୍ଯ୍ୟନ୍ତ ଯାଇଥିଲା । ଢେଙ୍କାନାଳ ଜିଲ୍ଲା ଲେଖକ ସଂସଦର ସଭାପତି ଶତ୍ରୁଘ୍ନ ଭୂତିଆ କାର୍ଯ୍ୟକ୍ରମକୁ ପୌରହିତ୍ୟ କରିଥିଲେ । ବରିଷ୍ଠ ୪୦ଜଣ କବିଙ୍କୁ ଅତିଥିମାନେ ସମ୍ମାନିତ କରିଥିଲେ । ଉତ୍ସବରେ ଜିଲ୍ଲାର ବିଭିନ୍ନ ଅଞ୍ଚଳରୁ କବି, ଲେଖକ ଓ ସାହିତ୍ୟିକ ତଥା ସାହିତ୍ୟ ପ୍ରେମୀମାନେ ଯୋଗ ଦେଇଛନ୍ତି ।