ବିନା ପଞ୍ଜୀକରଣରରେ କୋଲକାତାରୁ ଅନୁଗୋଳ ଫେରିଲେ 10 ପ୍ରବାସୀ, ବଢିଲା ପ୍ରଶାସନର ଚିନ୍ତା
ଅନୁଗୋଳ : ବିନା ପଞ୍ଜୀକରଣରେ କୋଲକାତାରୁ ଅନୁଗୋଳ ଆସିଲେ 10 ପ୍ରବାସୀ । ଏନେଇ ପ୍ରଶାସନ ତୁରନ୍ତ ଖବର ପାଇବା ପରେ ସମସ୍ତ ପ୍ରବାସୀଙ୍କ ସଙ୍ଗରୋଧରେ ରଖାଯାଇଛି । ପ୍ରାୟ 21 ଜଣ ଯାତ୍ରୀଙ୍କୁ ଧରି ଓଡିଶା ଆସିଥିବା ଏକ ବସରେ 10 ଜଣ ଅନୁଗୋଳରେ ଓହ୍ଲାଇଥିଲେ। ଏହି ସମସ୍ତ ପ୍ରବାସୀଙ୍କୁ ଅନୁଗୋଳ ବାଳିକା ବିଦ୍ୟାଳୟରେ ଥିବା କ୍ବାରେଣ୍ଟାଇନରେ ରଖାଯାଇଛି । ସେପଟେ, ସମସ୍ତ ପ୍ରବାସୀଙ୍କୁ ଧରି ଫେରିଥିବା ଗାଡିଟି ଅନୁମତି ନେଇ ଆସିଛି କି ସେନେଇ ପରିବହନ ବିଭାଗ ପକ୍ଷରୁ ତଦନ୍ତ ଚାଲିଛି । କୋଲକାତା ଫେରନ୍ତାଙ୍କ ଠାରେ ଅଧିକାଂଶ କୋରୋନା ଚିହ୍ନଟ ହେଉଥିବାରୁ ଏହାକୁ ନେଇ ଚିନ୍ତା ପ୍ରକଟ କରିଛି । ଏହି ଘଟଣାରେ ଟ୍ରାଫିକ ଇନ୍ସପେକ୍ଟର ଓ ଅତିରିକ୍ତ ତହସିଲଦାର ତଦନ୍ତ କରୁଛନ୍ତି ।