ହେମା କହିଲେ ବିଶ୍ବରେ କୋରୋନାକୁ ଧ୍ବଂସ କରିବେ ପ୍ରଭୁ ଶ୍ରୀକୃଷ୍ଣ - ହେମାଙ୍କୁ ଘାରିଲା ଦେଶବାସୀଙ୍କ ଚିନ୍ତା
ମଥୁରା: ବର୍ତ୍ତମାନ ଭାରତ କୋରୋନା ମହାମାରୀର ଦ୍ବିତୀୟ ଲହର ସହ ଲଢୁଛି । ଦେଶରେ ବଢିଚାଲିଛି କୋରୋନା ସଂକ୍ରମିତଙ୍କ ସଂଖ୍ୟା । ଏଥିରୁ ଦେଶବାସୀଙ୍କୁ ସୁରକ୍ଷିତ ରଖିବା ପାଇଁ ଅନେକ ରାଜ୍ୟରେ ଲକଡାଉନ, ସଟଡାଉନ ଓ ନାଇଟ କର୍ଫ୍ୟୁ ମଧ୍ୟ ଲାଗୁ ହୋଇଯାଇଛି । ଉତ୍ତରପ୍ରଦେଶ ମଥୁରା ସାଂସଦ ତଥା ଜଣାଶୁଣା ଅଭିନେତ୍ରୀ ହେମା ଧୈର୍ଯ୍ୟର ସହ କୋରୋନା ମହାମାରୀର ସମ୍ମୁଖୀନ କରିବାକୁ ଲୋକଙ୍କୁ ନିବେଦନ କରିଛନ୍ତି । ଯାହାକୁ ନେଇ ସେ ଭଗବାନ ଶୀକୃଷ୍ଣଙ୍କ ନିକଟରେ ପ୍ରାର୍ଥନା କରିଛନ୍ତି । ଭିଡିଓ ବାର୍ତ୍ତାରେ ସେ କହିଛନ୍ତି ଯେ, ଭଗବାନ କୃଷ୍ଣ ଏହି କୋରୋନା ମହାମାରୀକୁ ସମଗ୍ର ବିଶ୍ବରୁ ନଷ୍ଟ କରିଦେବେ ।