ULB Polls: ପାଖଉଛି ନିର୍ବାଚନ, ପ୍ରଚାରରେ କମ୍ପୁଛି ବ୍ରହ୍ମପୁର

ବ୍ରହ୍ମପୁର: ପୌର ନିର୍ବାଚନକୁ ନେଇ ଉଠୁଛି ପଡୁଛି ପୌରାଞ୍ଚଳ । ପ୍ରତି ୱାର୍ଡରେ ପ୍ରତିଶ୍ରୁତି ବର୍ଷା କରୁଛନ୍ତି ପ୍ରାର୍ଥୀ । ନିର୍ବାଚନ ତାରିଖ ପାଖେଇ ଆସୁଥିବା ବେଳେ ବ୍ରହ୍ମପୁରରେ ମଧ୍ୟ ମହାନଗର ନିଗମ ନିର୍ବାଚନ(BeMC)କୁ ନେଇ ରାଜନୀତି ସରଗରମ୍ ରହିଛି । ସହରର ୨୨ ନମ୍ବର ୱାର୍ଡରେ ବିଭିନ୍ନ ଦଳୀୟ ପ୍ରାର୍ଥୀ ଜୋରଦାର ପ୍ରଚାର କରୁଛନ୍ତି । ଏହି ୱାର୍ଡରେ ବିଜୁ ଜନତା ଦଳର କର୍ପୋରେଟର ପ୍ରାର୍ଥୀ ହୋଇଛନ୍ତି ମୁନ୍ନା ଜେନା । ପୂର୍ବରୁ ତାଙ୍କ ଧର୍ମପତ୍ନୀ କର୍ପୋରେଟର ଭାବରେ ଅନେକ କାର୍ଯ୍ୟ କରିଆସିଥିବା ବେଳେ ବର୍ତ୍ତମାନ ନିଜ ସ୍ବାମୀଙ୍କ ସହ ବୁଲି ସେ ଭୋଟ ଭିକ୍ଷା କରୁଛନ୍ତି । ଏହି ୱାର୍ଡର ଆଗରୁ ଅନେକ ବିକାଶମୂଳକ କାର୍ଯ୍ୟ କରାଯାଇଛି । ବାକି ଥିବା ଅନ୍ୟ କେତେକ କାର୍ଯ୍ୟକୁ ପୂରଣ କରିବାର ପ୍ରତିଶ୍ରୁତି ଦେଇ ବିଜେଡି ପ୍ରାର୍ଥୀ ପ୍ରଚାର କରୁଛନ୍ତି । ଏହି ଅବସରରେ ପ୍ରାର୍ଥୀଙ୍କ ସମେତ ଅଞ୍ଚଳ ବାସିନ୍ଦାଙ୍କ ସହ ଆଲୋଚନା କରିଛନ୍ତି ଆମ ବ୍ରହ୍ମପୁର ସମ୍ବାଦଦାତା ସମୀର ଆଚାର୍ଯ୍ୟ ।