Panchayat Election: ପୁରୀରେ ନିର୍ବାଚନୀ ପ୍ରଚାରକୁ ଜୋରଦାର କରିଛି ବିଜେପି - Puri panchayat election

ପୁରୀ: ପଞ୍ଚାୟତ ନିର୍ବାଚନ ପାଖେଇ ଆସୁଥିବା ବେଳେ ପ୍ରାର୍ଥୀଙ୍କ ପ୍ରଚାରରେ କମ୍ପୁଛି ପ୍ରଚାର ମୈଦାନ । ପୁରୀ ଜିଲ୍ଲା ସଦର ବ୍ଲକ 27 ନମ୍ବର ଜିଲ୍ଲା ପରିଷଦ ଜୋନରେ ବିଜେପି ପ୍ରଚାର ଅଭିଯାନ କୁ ଜୋରଦାର କରିଛି। 27 ନମ୍ବର ଜୋନରୁ ବିଜେପି ପକ୍ଷରୁ ଜିଲ୍ଲା ପରିଷଦ ପ୍ରାର୍ଥୀ ହୋଇଥିବା କାମିନୀ ବେହେରା ଘର କୁ ଘର ବୁଲି ନିର୍ବାଚନ ପ୍ରଚାର କରୁଛନ୍ତି। ବିଶେଷ କରି ବିଜେଡି ସରକାର ସମୟରେ ହୋଇ ଥିବା ବ୍ୟାପକ ଦୁର୍ନୀତି , ମହିଳାଙ୍କ ଉପରେ ଅତ୍ୟାଚାର ବୃଦ୍ଧି ପ୍ରସଙ୍ଗ କୁ ନିଜର ନିର୍ବାଚନୀ ମୁଦା କରି ଭୋଟ ଭିକ୍ଷା କରୁଛନ୍ତି। ସେପଟେ 27 ନମ୍ବର ଜିଲ୍ଲା ପରିଷଦ ଅଧୀନରେ ଥିବା ଗଡ଼ମୃଗସିରା ପଞ୍ଚାୟତରୁ ସରପଞ୍ଚ ପ୍ରାର୍ଥୀ ହୋଇଛନ୍ତି ଅଳକା ନନ୍ଦା ସାହୁ । ସେ ମଧ୍ୟ ସ୍ଥାନୀୟ ଅଞ୍ଚଳର ସମସ୍ୟା କୁ ମୁଦା କରି ଭୋଟରଙ୍କ ପାଖକୁ ଯାଉଛନ୍ତି । ସେ ସରପଞ୍ଚ ଭାବେ ନିର୍ବାଚିତ ହେଲେ ଦୁର୍ନୀତି ହଟାଇବା ସହ ଗରିବ ଲୋକ ଙ୍କ ଥିବା ସବୁ ସମସ୍ୟା , ପଞ୍ଚାୟତର ଥିବା ମୌଳିକ ସମସ୍ୟା ଦୂର କରିବେ ବୋଲି କହିଛନ୍ତି । ପୁରୀରୁ ଶକ୍ତିପ୍ରସାଦ ମିଶ୍ର, ଇଟିଭି ଭାରତ