ଖୋର୍ଦ୍ଧାରେ ୭୪ତମ ମାନବାଧିକାର ଦିବସ ପାଳିତ

ଖୋର୍ଦ୍ଧା : ଖୋର୍ଦ୍ଧା ଜିଲ୍ଳା ଶାଖା ତରଫରୁ ବେଗୁନିଆ ସ୍ଥିତ କାର୍ଯ୍ୟାଳୟ ପରିସରରେ ବିଶ୍ବ ମାନବାଧିକାର ଦିବସ ପାଳିତ ହୋଇଯାଇଛି। ସଂଗଠନର ଜିଲ୍ଳା ସଭାପତି ସୁକାନ୍ତ ପରିଡାଙ୍କ ଅଧ୍ଯକ୍ଷତାରେ ଆୟୋଜିକ କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ସଂଗଠନର ରାଜ୍ୟ ପ୍ରଭାରୀ ମୀରା ପରିଡ଼ା ଯୋଗଦେଇଥିଲେ। ଏହି ଅବସରେ ରାଜ୍ୟ ବିଜେଡି ସମ୍ପାଦକ ମୀରା ପରିଡ଼ା କହିଥିଲେ ପ୍ରତି ମଣିଷ କିପରି ଜାତି ଧର୍ମ ବର୍ଣ୍ଣ ନିର୍ବିଶେଷରେ ସମ୍ମାନ ସହ ମୁଣ୍ଡ ଟେକି ବଞ୍ଚି ପାରିବେ ତାହାହିଁ ଏହି ଦିବସର ମୂଳଲକ୍ଷ୍ୟ। କାର୍ଯ୍ୟକ୍ରମରେ ସଂଗଠନର ଉପଦେଷ୍ଟା ପ୍ରଭାତ ମିଶ୍ର, ଆଇନ ପରାମର୍ଶଦାତା ଶିଶିର ପରିଡା, ବେଗୁନିଆ ଗୁଇନ୍ଦା ଅଧିକାରୀ ବସନ୍ତ ଦାଶ ପ୍ରମୁଖ ଯୋଗଦେଇ ଥିଲେ। ଏହି ଅବସରରେ ବିଭାଗ ବର୍ଗର ବ୍ୟକ୍ତିବିଶେଷଙ୍କୁ ଅନୁଷ୍ଠାନ ତରଫରୁ ଉତ୍ତରୀୟ ସହ ସମ୍ମାନିତ କରାଯାଇଥିଲା। ପରିଶେଷରେ ସଂଗଠନର ସମ୍ପାଦକ ଶରତ ବାରିକ ଧନ୍ୟବାଦ ଦେଇଥିଲେ । ଇଟିଭି ଭାରତ, ଖୋର୍ଦ୍ଧା